الماتى قالاسى قوعامدىق دەنساۋلىق ساقتاۋ باسقارماسىنىڭ باسشىسى تىلەۋحان ابىلدايەۆ قالادا كوروناۆيرۋسقا شالدىققانداردىڭ ىشىندە ۇقك شەكارا قىزمەتى شەكارا ۋچيليششەسىنىڭ 54 كۋرسانتى بارىن ءمالىم ەتتى.

ونىڭ سوزىنشە، باستاپقىدا 14 كۋرسانتتان ۆيرۋس انىقتالعان. ارتىنشا ولاردىڭ سانى 54-كە جەتكەن.

ىندەتكە شالدىققان كۋرسانتتاردىڭ بارلىعى ينفەكسيالىق اۋرۋحاناعا جاتقىزىلعان. جاعدايلارى قاناعاتتانارلىق.

سونداي-اق قالا بويىنشا سوvid-19 ىندەتىن جۇقتىرعان مەديسينالىق قىزمەتكەرلەردىڭ جالپى سانى 234-كە جەتكەن. ولاردىڭ اراسىندا قالالىق ورتالىق اۋرۋحانانىڭ 193 مەديسينالىق-سانيتارلىق قىزمەتكەرى، قالالىق بالالار كلينيكالىق جۇقپالى اۋرۋلار اۋرۋحاناسىنىڭ 31، №7 قالالىق كلينيكالىق اۋرۋحانانىڭ 2 قىزمەتكەرى، جەدەل مەديسينالىق جاردەمنىڭ 3 قىزمەتكەرى، №12 قالالىق ەمحانانىڭ 3 قىزمەتكەرى، №11 جانە №32 قالالىق ەمحانالاردىڭ ءبىر-بىر قىزمەتكەرى بار.