الماتى قالاسىنداعى 17 ءساۋىر كۇنگى ەپيدەميولوگيالىق جاعداي تۋرالى قالالىق قوعامدىق دەنساۋلىق باسقارماسىنىڭ باسشىسى تىلەۋحان ابىلدايەۆ باياندادى. قالادا كوروناۆيرۋستىق ينفەكسيانى جۇقتىرعان 461 وقيعا تىركەلدى.

سونىمەن قاتار، تىركەلگەن 63 ادامنىڭ اراسىندا 2004 جىلى تۋىلعان بالا دا بار. ورتالىق قالالىق كلينيكالىق اۋرۋحانانىڭ 10 مەديسينا قىزمەتكەرى، جرۆي بەلگىلەرى بار وسى ستاسيوناردىڭ ەكى ەمدەلۋشىسى، جەدەل مەديسينالىق جاردەم قىزمەتىنىڭ 1 قىزمەتكەرى، № 7 قالالىق كلينيكالىق اۋرۋحانانىڭ 2 قىزمەتكەرى، №12 قالالىق ەمحانانىڭ 2 قىزمەتكەرى، الماتى كوپسالالى كلينيكالىق اۋرۋحاناسىنىڭ ەكى قىزمەتكەرى جانە وقشاۋداعى جاندارمەن بايلانىستا بولعان 44 ادام، ونىڭ 21-ىندە جرۆي جانە پنيەۆمونيا بەلگىلەرى بار.

بۇگىنگى تاڭدا مەگاپوليستىڭ جۇقپالى اۋرۋلار ستاسيونارلارىندا ەمدەلىپ جاتقان الماتى وبلىسىنىڭ ناۋقاستارىمەن قوسا العاندا 392 ادام كوروناۆيرۋستىق ينفەكسيادان ەمدەلىپ جاتىر. ءبىر ناۋقاستىڭ جاعدايى وتە اۋىر، 4ء-ۋى اۋىر، 92ء-ى ورتاشا اۋىر، 295ء-ى قاناعاتتانارلىق دەڭگەيدە.

– سوvid-19 ىندەتىن جۇقتىرعان مەديسينالىق قىزمەتكەرلەردىڭ جالپى سانى 234-كە جەتتى. ولاردىڭ اراسىندا 193 قالالىق ورتالىق اۋرۋحانانىڭ مەديسينالىق- سانيتارلىق قىزمەتكەرلەرى، 31 قالالىق بالالار كلينيكالىق جۇقپالى اۋرۋلار اۋرۋحاناسىنىڭ، N7 قالالىق كلينيكالىق اۋرۋحانانىڭ 2 قىزمەتكەرى، جەدەل مەديسينالىق جاردەمنىڭ 3 قىزمەتكەرى، N12 قالالىق ەمحانانىڭ 3 قىزمەتكەرى، N11 جانە N32 قالالىق ەمحانالاردىڭ ءبىر-بىر قىزمەتكەرى بار. قالالىق پروۆيزورلىق ورتالىقتاردا ەمدەلىپ جاتقان 356 ادامنىڭ ىشىندە 18 بالا بار. سونىمەن قاتار، كارانتيندىك وقشاۋلانۋدا 422 ادام، ولاردىڭ 7ء-ۋى بالا جانە 7992 ادام ۇيدە كارانتيندىك وقشاۋلانۋدا، – دەدى باسقارما باسشىسى.

كەيبىر باق-تا COVID-19 كوروناۆيرۋسىمەن كۇرەس اياسىندا ەپيدەمياعا قارسى ءىس-شارالارعا تارتىلعان مەديسينا قىزمەتكەرلەرىنە ۇستەمە اقىنىڭ تولەنبەگەنى جونىندە اقپاراتتىڭ جاريا بولعانىنا قاتىستى تۇسىنىكتەمە بەردى.

– اتالعان فاكتى بويىنشا بارلىق جۇمىس ىستەگەن ساعاتتار ءۇشىن مەمكوميسسيا ساناتتارىنىڭ تاۋەكەل تىزىمىنە كىرەتىن مەديسينا قىزمەتكەرلەرى تولىق كولەمدە العاندىعىن رەسمي تۇردە مالىمدەيمىن. ەستەرىڭىزگە سالا كەتسەم، مەملەكەتتىك كوميسسيانىڭ شەشىمىنە سايكەس جانە مەملەكەت باسشىسىنىڭ تاپسىرماسى بويىنشا تاۋەكەلدىڭ ءۇش توبىنا جاتاتىن مەديسينا قىزمەتكەرلەرى ۇستەماقى الۋعا قۇقىلى. ولاردىڭ قاتارىندا رەانيماسيا بولىمشەلەرى، ينفەكسيالىق ستاسيونارلار، پروۆيزورلىق ستاسيونارلار جانە جەدەل جاردەم، كارانتيندىك ستاسيونارلار، سانيتارلىق دارىگەرلەر، جەدەل جاردەمنىڭ جۇرگىزۋشىلەرى جانە ت.ب. دارىگەرلەر، ورتا جانە كىشى مەديسينا قىزمەتكەرلەرى بار، – دەپ اتاپ كورسەتتى.

قالالىق بالالار جۇقپالى اۋرۋلار اۋرۋحاناسى مەن قىزمەتى، جەدەل مەديسينالىق كومەك كورسەتۋ ورتالىقتارىندا ءتۇسىندىرۋ جۇمىستارى جۇرگىزىلىپ، نەگىزگى ەرەجەلەر تانىستىرىلدى. بۇيرىق نەگىزىندە كىمنىڭ جالاقىسىنا ۇستەماقى قوسىلاتىنى تۋرالى ايتىلدى.

ال وسى بۇيرىق نەگىزىندە تاۋەكەل توبىنا كىرمەگەن قىزمەتكەرلەرگە مەديسينالىق ۇيىمداردىڭ جالاقى قورىنان قارجىلاي قولداۋ كورسەتۋ تۋرالى شەشىم قابىلداندى. مۇنداي ماتەريالدىق قولداۋ مەديسينا قىزمەتكەرلەرىن ىنتالاندىرۋ جانە قولداۋ ءۇشىن وتە ماڭىزدى.

– سونداي-اق، تولەمدەر "ق ر سالىق كودەكسىنە" سايكەس بارلىق سالىقتاردى ەسكەرە وتىرىپ، ايلىق جۇمىس بالانسىنان اسپايتىن ناقتى جۇمىس ىستەگەن ۋاقىتى ءۇشىن جۇرگىزىلەتىنىن ەسكە سالعىم كەلەدى، – دەپ تولىقتىردى ت. ابىلدايەۆ.

بۇگىنگى تاڭدا 3758 قىزمەتكەرگە، ونىڭ ىشىندە 498 دارىگەر، 1800 ورتا مەديسينالىق قىزمەتكەر، 624 كىشى مەديسينالىق قىزمەتكەر جانە 836 باسقا قىزمەتكەرلەر، ونىڭ ىشىندە 822 جەدەل مەديسينالىق كومەك قىزمەتىنىڭ جۇرگىزۋشىلەرىنە ۇستەمە تولەندى.

تولەنىپ وتىرعان ۇستەمەنىڭ جالپى سوماسى 1 134،8 ملن.تەڭگەنى قۇرادى. قازىرگى ۋاقىتتا جەدەل مەديسينالىق كومەك قىزمەتىنىڭ قىزمەتكەرلەرىنە ۇستەمە تولەمدەر تولەنۋدە، وسىلايشا بارلىق مەديسينا قىزمەتكەرلەرى 100%-عا قامتىلاتىن بولادى.

سوVID-19 ىندەتىن جۇقتىرعان مەديسينا قىزمەتكەرلەرىنە 2 ملن تگ كولەمىندە تولەماقى تولەنەدى. بۇل تولەم ق ر دسم كوميسسياسىنىڭ ەپيدەميولوگيالىق تەكسەرۋىنەن كەيىن تولەنەدى.