الماتىداعى تاماقتانۋ ورىندارىنىڭ بىرىندە داياشى بولىپ ىستەيتىن جانىس ءنۇسىپجان "كارانتين جاريالانعاننان كەيىن بىرنەشە كۇن وتكەن سوڭ كافەمىز جابىلىپ قالدى" دەيدى.

– ءبىزدىڭ كافەدە 20 شاقتى داياشى ىستەيدى. كارانتينگە بايلانىستى سولاردىڭ ءبارى ۇيىندە وتىر. 42500 تەڭگە بەرىلەدى دەگەندى ەستىسىمەن بىر-بىرىمىزدەن سۇراستىرىپ، جاردەماقىعا ءوتىنىش بىلدىرە باستادىق. مەن ءبىرىڭعاي جيىنتىق تولەمدى وتەپ، ەرتەڭىندە 42500 تەڭگەگە ءوتىنىم تاستادى. 4 كۇننەن كەيىن شوتىما اقشا ءتۇستى. ۇيگە 1 ايدىڭ ازىق-تۇلىگىن الىپ قويدىق. توتەنشە جاعدايدىڭ سوزىلۋىنا بايلانىستى جاردەماقى تاعى دا بەرىلەدى دەگەندى ەستىپ قۋانىپ وتىرمىز، –  دەيدى ول.

بۇگىنگە دەيىن 784 مىڭنان استام الماتىلىق توتەنشە جاعداي كەزىندە تابىسىنان ايىرىلعاندارعا ارنالعان 42 500 تەڭگەلىك جاردەماقىعا ءوتىنىم بىلدىرگەن. 238 مىڭ تۇرعىننىڭ ءوتىنىمى كەيىنگە قالدىرىلسا، قالعاندارىنا الەۋمەتتىك تولەم تاعايىندالعان.