كونديتەرلىك دۇكەندە جۇمىس ىستەيتىن ايگۇل ءشۇيىنىشوۆانىڭ جۇمىسى كارانتينگە بايلانىستى توقتاپ تۇر. جۇمىسىنان اقىسىز دەمالىسقا جىبەرىلگەن.

– سوڭعى بولىپ جاتقان جاعدايلارعا بايلانىستى ءبىزدى جۇمىستان بوساتىپ، دەمالىسقا جىبەرگەن بولاتىن. توتەنشە جاعدايدا ۇكىمەتتىڭ حالىققا بولگەن جاردەماقىسى ءبىرشاما كومەك بولدى. الەۋمەتتىك كومەك وسىدان 1 اپتا بۇرىن ءتۇستى. ەش قيىندىقسىز الدىم. وسىنداي قاربالاس شاقتا الەۋمەتتىك ساقتاندىرۋ قورىنىڭ تىنباي ەڭبەك ەتىپ جاتقان بارشا قىزمەتكەرلەرىنە العىسىم شەكسىز!، – دەيدى ءشۇيىنىشوۆا ايگۇل. 

بۇگىنگە دەيىن 784 مىڭنان استام الماتىلىق توتەنشە جاعداي كەزىندە تابىسىنان ايىرىلعاندارعا ارنالعان 42 500 تەڭگەلىك جاردەماقىعا ءوتىنىم بىلدىرگەن. 238 مىڭ تۇرعىننىڭ ءوتىنىمى كەيىنگە قالدىرىلسا، قالعاندارىنا الەۋمەتتىك تولەم تاعايىندالعان.