قازاقستان رەسپۋبليكاسىنىڭ تۇڭعىش پرەزيدەنتى ن.نازاربايەۆتىڭ «بولاشاققا باعدار: رۋحاني جاڭعىرۋ» تاقىرىبىنداعى ماقالاسى «قازاقستاننىڭ ءۇشىنشى جاڭعىرۋى : جاھاندىق باسەكەگە قابىلەتتىلىك» دەپ اتالاتىن جولداۋىندا  ەلدىرۋحاني جاڭعىرتۋ ماسەلەلەرى قوزعالادى.قازىرگى كەزدە اقش جانە ەۋروپا  مەملەكەتتەرى  ەرەكشە قارقىندا دامۋ ۇستىندە،بۇل ءبىر جاعىنان جاقسى بولسا دا،ەكىنشى جاعىنان ىشكى قۇندىلىق-رۋحاني دامۋدى ۇمىتىپ جاتىر. سوندىقتان  تۇڭعىش پرەزيدەنتىمىز وسى كەمشىلىكتەردى تولتىرۋ ماقساتىندا رۋحاني بايلىعىمىزدى بايىتا وتىرىپ جاڭعىرتۋ قاجەت ەكەندىگىن اتاپ كورسەتتى. ەلباسى ايتقانداي،ۇلتتىق ءسالت-داستۇرىمىز،ادەت-عۇرىپتارىمىز، ءتىلىمىز بەن ادەبيەتىمىز، ونەرىمىز، ەشقاشان ۇمىتىلماۋ كەرەك. ۇلتتىق قۇندىلىقتاردىڭ ءبارى جاس ۇرپاققا وتباسىنان، بالا-باقشادان، مەكتەپتەن  بەرىلەرى انىق. سوندىقتان اتا-انالار، ۇستازدار  ۇلتتىق تاربيەنى ءبىرىنشى  ورىنعا قويعانى دۇرىس.

ەلباسىمىزدىڭ  وسى  جولداۋىن ورىنداۋ ماقساتىندا  ءال-فارابي اتىنداعى قازاق  ۇلتتىق ۋنيۆەرسيتەتىندە كوپتەگەن جۇمىستار جۇرگىزىلدى.

بيىلعى جىلى ەلىمىزدە شىعىستىڭ عۇلاما ويشىلى، ماتەماتيك، استرولوگ، مۋزىكا تەورەتيگى، اريستوتەلدەن كەيىنگى ەكىنشى ۇستاز اتانعان ءابۋ ناسىر ءال-فارابيدىڭ  1150 جىلدىق مەرەيتويى اتالىپ وتىلەدى. مەملەكەت باسشىسى قاسىم-جومارت توقايەۆ  قاۋلى قابىلداپ،  مەرەيتويدى دايىنداۋ  جانە وتكىزۋ جونىندەگى ارنايى مەملەكەتتىك كوميسسيا قۇرعان بولاتىن.العاشقى   شارا الماتىداعى ءال-فارابي اتىنداعى قازاق ۇلتتىق ۋنيۆەرسيتەتىنەن  باستاۋ الدى. ءابۋ ناسىر ءال-فارابيدىڭ 1150 جىلدىق مەرەيتويىنا وراي "ۇلى دالانىڭ ۇلى  ەسىمى" اتتى سالتاناتتى ءىس-شارا ءوتتى. ۇستازدارعا ارنالعان ، ءال-فارابيدىڭ 1150 جىلدىق مەرەيتويىنا ارنالعان" ءبىلىم بەرۋدى سيفرلاندىرۋ جاعدايىنداعى ءال-فارابيدىڭ پەداگوگيكالىق تۇجىرىمداماسىنىڭ زاماناۋي ينتەرپرەتاسياسى" اتتى 50ء-شى  حالىقارالىق عىلىمي-ادىستەمەلىك كونفەرەنسياسىنىڭ اياسىندا "ءبىلىم بەرۋ سالاسىنىڭ سيفرلىق جۇيەگە كوشۋى-زامان تالابى" اتتى سەكسيا بويىنشا كونفەرەنسيا ءوتتى. كونفەرەنسياعا بىلىكتى ۇستازدار ماقالالارىن جازىپ ،سەكسياعا قاتىسىپ، ءوز ويلارىن ورتاعا سالدى.  

جوعارى وقۋ ورنىنا دەيىنگى ءبىلىم بەرۋ فاكۋلتەتىنىنىڭ ۇيىمداستىرۋىمەن ءساۋىردىڭ 7-8 كۇندەرى ارالىعىندا الىس، جاقىن شەتەلدەن كەلگەن قانداس  تىڭداۋشىلارى،  جوو وقۋ ورىندارىنىڭ ستۋدەنتتەرى جانە جاس عالىمداردىڭ، كوللەدج  ستۋدەنتتەرى مەن بەيىمدىك مەكتەپ وقۋشىلارىنىڭ اراسىندا ونلاين جۇيەسىندە  "فارابي الەمى-2020" اتتى حالىقارالىق عىلىمي كونفەرەنسيا ءوتتى. كونفەرەنسيانىڭ نەگىزگى ماقساتى – قازاقستان رەسپۋبليكاسىنداعى قازىرگى ءبىلىم مەن عىلىم دامۋىنىڭ وزەكتى ماسەلەلەرىن تالقىلاۋ، جاستار اراسىنداعى پاتريوتتىق سەزىمدى، وتانسۇيگىشتىكتى قالىپتاستىرۋ جانە ەلباسى ساياساتىن جاستار اراسىندا دارىپتەۋ بولىپ تابىلادى. ادامزاتتىڭ رۋحاني جاڭعىرۋى  ءۇشىن ءبىلىم، ەڭبەك جانە بىرلىك كەرەك،سايىپ كەلگەندە، ەلباسىمىزدىڭ ەرەن ەڭبەگىنىڭ ءبىرى دەۋگە بولادى.

ءال-فارابي اتىنداعى قازۇۋ-دىڭ اعا وقىتۋشىلارى
بەگالييەۆا ا.ك،  يدريسوۆا گ.ا.