الماتى قالاسىنىڭ اكىمى باقىتجان ساعىنتايەۆتىڭ تاپسىرماسى بويىنشا شاھار باسشىسىنىڭ ورىنباسارى ەرجان باباقۇماروۆ بەينە-كونفەرەنس-بايلانىس رەجيمىندە الماتىنىڭ التى ءىرى زەرتحاناسىنىڭ باسشىلىعىمەن جۇمىس كەڭەسىن وتكىزدى.

بۇل – COVID-19-عا تەست الاتىن الماتىنىڭ التى ءىرى زەرتحانالارى. ولار ۇلتتىق ساراپتاما ورتالىعى، سانيتارلىق-ەپيدەميولوگيالىق ساراپتاما جانە مونيتورينگ عىلىمي-پراكتيكالىق ورتالىعى، م. ايقىمبايەۆ اتىنداعى قازاق اسا ءقاۋىپتى ينفەكسيالار ۇلتتىق عىلىمي ورتالىعى، ورتالىق رەفەرەنس-زەرتحانا، سونداي-اق قازاقستان-كورەي كلينيكاسى مەن «وليمپ» كدز.

بۇدان وزگە مەگاپوليس تۇرعىندارى ءۇشىن تەستىلەۋدىڭ قولجەتىمدىلىگىن، كورسەتىلەتىن قىزمەتتەردىڭ ساپاسى مەن جەدەلدىگىن، ونىڭ ىشىندە ناتيجەلەردى ۇسىنۋ ءتارتىبى مەن مەرزىمدەرىن ودان ءارى ارتتىرۋ ماسەلەلەرى تالقىلاندى.

قالا اكىمىنىڭ ورىنباسارى زەرتتەۋ ماتەريالىن الۋمەن اينالىساتىن مەديسينالىق بريگادالاردىڭ ەڭبەك قاۋىپسىزدىگىن قامتاماسىز ەتۋ كەرەكتىگىن ەرەكشە اتاپ ءوتتى. سونىمەن بىرگە، تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى جانە زەرتحانالاردىڭ اقپاراتتىق جۇيەلەر ينتەگراسياسى اراسىندا جۇمىستى ءوزارا ۇيلەستىرۋدى كۇشەيتۋ مىندەتتەرىن بەلگىلەدى.

– ءبىزدىڭ مىندەتىمىز – تەستىلەۋ ارقىلى ينفەكسيانىڭ جاسىرىن وشاقتارىن جەدەل جانە دەر كەزىندە انىقتاۋ، ولاردى ۋاقىتىلى وقشاۋلاپ، قالاداعى ەپيدەميولوگيالىق احۋالدىڭ جاعدايىن ودان ءارى باقىلاۋدى قامتاماسىز ەتۋ، – دەگەن ەرجان باباقۇماروۆ مەملەكەتتىك جانە مەملەكەتتىك ەمەس زەرتحانالارعا قالامەن بىرلەسىپ جاساپ جاتقان جۇمىستارى ءۇشىن العىسىن ءبىلدىردى.

بۇگىندە الماتىدا شامامەن 45 مىڭ تەست الىندى. سولاردىڭ ىشىندە 29 مىڭى پسر تەست جانە 16 مىڭى ەكپرەسس-تەستتەر.