وسى اپتادا گەرمانيانىڭ ەڭ ءىرى تابلويدتىق گازەتى Bild گەرمانياعا بەيجىڭ 149 ميلليارد ەۋرو تولەم تولەۋ كەرەكتىگىن جازعان.
بۇل تىزىمدە تۋريزمنەن جوعالعان تابىس ءۇشىن 27 ميلليارد ەۋرو، نەمىس يندۋسترياسى ءۇشىن 7،2 ميلليارد ەۋرو، نەمىس Lufthansa اۋە كومپانياسىنا ساعاتىنا ءبىر ميلليون ەۋرو جانە نەمىس شاعىن بيزنەس كاسىپورىندارى ءۇشىن 50 ميلليارد ەۋرو اقى بار.
"جۇڭگو بىزگە قانشا قارىز؟" دەگەن تاقىرىپپەن جاريالانعان Bild ەسەپتەۋى بويىنشا، ەگەر گەرمانيانىڭ ءىجو 4،2 پايىزعا تومەندەيتىن بولسا، قارىز مولشەرى ءار نەمىس ازاماتى ءۇشىن 1 784 ەۋرو قۇرايدى.
جۇڭگو بۇل فاكتۋراعا "كسەنوفوبيا مەن ۇلتشىلدىقتى قوزدىرادى" دەپ جاۋاپ بەردى.
Bildء-دىڭ باس رەداكتورى دجۋليان رەيحەلت بۇل سىندى جوققا شىعارىپ: "ءبىز گازەتىمىزدە "كوروناۆيرۋستىڭ بۇكىل الەمگە كەلتىرىپ جاتقان ەكونوميكالىق زالالى ءۇشىن جۇڭگو تولەم تولەۋى كەرەك پە؟" دەپ سۇرادىق. سي سزينپين، ءسىزدىڭ ۇكىمەتىڭىز بەن عالىمدارىڭىز كوروناۆيرۋستىڭ جۇقپالى ەكەنىن بۇرىننان ءبىلۋى كەرەك. ءبىراق ءسىز الەمدى قاراڭعىدا قالدىردىڭىز... باتىس زەرتتەۋشىلەرى ۋحاندا نە بولىپ جاتقانىن ءبىلۋدى سۇراعاندا، ءسىزدىڭ جەتەكشى ساراپشىلارىڭىز جاۋاپ بەرگەن جوق. ءسىز ءوزىڭىزدى تىم كەرەمەت جانە تىم ۇلتشىل سەزىندىڭىز. ءبىراق ول سەزىمىڭىز – ۇلتتىق ماسقارا" دەگەن.
پىكىر قالدىرۋ