اقش پرەزيدەنتى دونالد ترامپ بۇگىن تاڭەرتەڭ تۆيتتەر پاراقشاسىندا اقش-قا يمميگرسيانى ۋاقىتشا توقتاتا تۇرۋ تۋرالى بۇيرىققا قول قويعىسى كەلەتىنىن جازدى.

«كوزگە كورىنبەيتىن دۇشپانداردىڭ شابۋىلى سەبەبىنەن، سونداي-اق ءبىزدىڭ ۇلى امەريكاندىق ازاماتتاردىڭ جۇمىس ورىندارىن قورعاۋ قاجەتتىلىگى ءۇشىن» وسىلاي جاساماق ەكەنىن جازدى. مۇنداي تىيىم اقش تاريحىندا بۇرىن-سوڭدى بولماعان. الايدا، ونىڭ قالاي جۇزەگە اسىرىلاتىنى تۋرالى ەگجەي-تەگجەيلى ايتقان جوق.

اقش پرەزيدەنتىنىڭ جازباسىنىڭ استىندا كەيبىر پىكىر جازۋشىلار ونىڭ بۇل ويىن قولدايتىنىن ايتسا، كەيبىرى قارسى پىكىر جازىپ، سىناعان.

"ءيا! بۇل امەريكاندىق جوبالاردى قورعايدى!
وسى كەزدە دەموكراتتار ءبىزدىڭ سالىقتارىمىزدى زاڭسىزدارعا بەرىپ جاتىر" دەپ جازعان Joey Saladino ەسىمدى تۆيتتەر قولدانۋشى.

Tom Fitton ەسىمدى قولدانۋشى بولسا "بۇل ءبىزدىڭ حالقىمىز ءۇشىن تاريحي شەشىم جانە قاجەتتى قورعاۋ @realDonaldTrump" دەپ جازعان.

ال، John Pavlovitz ەسىمدى تۆيتتەر قولدانۋشى "
ءسىزدىڭ وتىرىكتەرىڭىز بەن بىلىكسىزدىگىڭىزدەن كوز جۇمعان  42،000 ۇلى امەريكاندىقتار نەمەسە 800،000 اۋىرعان ادامدار شە؟ ۆيرۋستىڭ تومەندەۋىنە دەيىن نەمەسە بىزدە تەستتەر جەتكىلىكتى بولعانعا دەيىن، ەكونوميكانى قايتا اشۋعا يتەرمەلەگەندىكتەن اۋىرىپ، ولەتىن ادامدار تۋرالى شە؟" دەپ اقش پرەزيدەنتىن سىناعان.