الماتىدا بۇگىندە 42 500 تەڭگە الەۋمەتتىك جاردەماقىنى 361 548 ادام العان. ولارعا جالپى 15،4 ملرد تەڭگە بەرىلگەن. بۇل تۋرالى ونلاين بريفينگ بارىسىندا قالالىق الەۋمەتتىك ءال-اۋقات باسقارماسىنىڭ باسشىسى راحات شيماشيەۆا ايتتى.

ونىڭ ايتۋىنشا، جالپى ءوتىنىش بىلدىرگەندەردىڭ سانى - 830 315 ادام. بۇدان بولەك الماتىدا توتەنشە جاعداي رەجيمى كەزىندە 62 مىڭعا جۋىق ازاماتقا الەۋمەتتىك كومەك بەرىلگەن. بۇل كومەكتى العاندار قاتارىندا ءى، ءىى جانە ءىىى توپتاعى مۇگەدەكتەر، وتباسىندا مۇگەدەك بالا تاربيەلەپ وتىرعاندار، اتاۋلى الەۋمەتتىك كومەك الىپ وتىرعان وتباسىلار، جۇمىسپەن قامتۋ ورتالىعىندا ەسەپتە تۇرعان ازاماتتار بار.

– وزدەرىڭىز بىلەسىزدەر Nur Otan پارتياسىنىڭ باستاماسىمەن BizBirgemiz جوباسى اياسىندا 50 مىڭ تەڭگە كولەمىندە قارجىلاي قولداۋ كورسەتىلىپ جاتىر. ونى 23 مىڭنان استام قالا تۇرعىنى الدى، ەندى ەكىنشى كەزەكتە تاعى 29 مىڭنان استام ادام وسى كومەكتى الادى. «جاڭا الاتاۋ» قورىنىڭ قولداۋىمەن 10 243 ادامعا ازىق-تۇلىك قورجىنى بەرىلدى. بۇل جۇمىس جالعاسا بەرەدى، – دەدى راحات شيماشيەۆا.