28 ءساۋىر «اتا-انالار كۇنى» قارساڭىندا الماتى قالاسى اكىمدىگىنىڭ جانىنان توتەنشە جاعداي رەجيمىن قامتاماسىز ەتۋ بويىنشا قۇرىلعان جەدەل شتاب كوروناۆيرۋس ينفەكسياسىنىڭ تارالۋىن بولدىرماۋ ماقساتىندا تۇرعىندارعا ادامدار كوپ جينالاتىن جەرلەرگە، سونىڭ ىشىندە، شىركەۋلەر مەن بەيىتتەرگە بارماۋعا كەڭەس بەرەدى.

بيىلعى جىلى كارانيتين رەجيمىنىڭ جاريالانۋىنا بايلانىستى زيراتقا تەك جەرلەۋ راسىمدەرىن جۇرگىزۋ ءۇشىن بارۋعا رۇقسات ەتىلگەن.

قالاداعى زيراتقا ادامداردىڭ توپتاسىپ جينالۋىن بولدىرماۋ ءۇشىن پوليسيا دەپارتامەنتى كەزەكشىلىك ۇيىمداستىرماق.

بۇعان دەيىن ورتالىق كوممۋنيكاسيالار قىزمەتىنىڭ الاڭىندا وتكەن باسپا ءسوز كونفەرەنسياسىندا استانا جانە قازاقستان ءميتروپوليتى الەكساندر عيباداتحانالارداعى (حرامداردا) قۇدايعا قۇلشىلىق ەتۋ سالتتارى جابىق رەجيمدە وتەتىنىن حابارلاعان بولاتىن. مارقۇمداردىڭ ەسىمدەرى جازىلعان حاتتاردى زاماناۋي كوممۋنيكاسيا قۇرالدارى ارقىلى، ياعني ەلەكتروندى پوشتا نەمەسە مەسسەندجەرلەردى پايدالانا وتىرىپ عيباداتحانالارعا (حرامدارعا) جولداۋعا بولادى.

الماتىنىڭ ۆوزنەسەنسك كافەدرالدى سوبورىندا وتەتىن باستى قىزمەت «ەۋرازيا ءبىرىنشى ارناسىندا» كورسەتىلەتىن بولادى. كارانتين اياقتالعاننان كەيىن بۇكىل قازاقستان بويىنشا پاسحالىق سەنبىلەردىڭ بىرىندە مارقۇمداردى ەسكە الۋ ءۇشىن قۇدايعا قۇلشىلىق ەتۋ راسىمدەرى سالتاناتتى تۇردە وتەدى.

ەسكە سالا كەتەيىك، ق ر پرەزيدەنتىنىڭ جارلىعىمەن ەلدەگى توتەنشە جاعداي رەجيمى 2020 جىلدىڭ 1 مامىرىنا دەيىن ۇزارتىلدى.