ۇلىبريتانيا دەنساۋلىق ساقتاۋ ءمينيسترى مەتت حەنكوك "بىرىككەن كورولدىك بەيسەنبىدە كوروناۆيرۋسقا قارسى ۆاكسينانى سىناقتان وتكىزەدى" دەپ مالىمدەدى. ونىڭ ايتۋىنشا، ۇكىمەتتىڭ اۋرۋمەن كۇرەسۋ ستراتەگياسى ءساتتى بولعان. بۇل تۋرالى قامشى ءتىلشىسى Bloomberg باسىلىمىنا سىلتەمە جاساپ حابارلايدى. 

– بولاشاقتا كوروناۆيرۋستى جەڭۋدىڭ ەڭ جاقسى ءادىسى – ۆاكسينا جاساپ شىعارۋ. بىرىككەن كورولدىك بۇكىلالەمدىك كۇش-جىگەردىڭ العى شەبىندە كەلەدى. ءبىز ۆاكسينانى ىزدەستىرۋ ءۇشىن باسقا ەلدەرگە قاراعاندا كوبىرەك اقشا بولدىك جانە بۇكىل الەم بويىنشا جەتەكشى ەكى ۆاكسينانى زەرتتەۋ ءبىزدىڭ ەلدە جاسالۋدا، – دەدى حانكوك ۇكىمەتتىڭ كۇندەلىكتى باسپا ءسوز كونفەرەنسياسىندا.

سىناقتار وكسفورد ۋنيۆەرسيتەتىندە زەرتتەلگەن دارىلەرمەن جاسالادى. حانكوك ۇكىمەتتىڭ زەرتتەۋ جۇمىسىن قولداۋعا 20 ميلليون فۋنت (25 ميلليون دوللار) بولەتىنىن ايتتى.

– قالىپتى ۋاقىتتا بۇل كەزەڭگە جەتۋ ءۇشىن بىرنەشە جىلدار قاجەت ەدى، – دەدى ول.

تاعى 20،5 ميلليون فۋنت لوندون يمپەراتورلىق كوللەدجىندەگى جەكە جوباعا كەتەتىن كورىنەدى.