اقمولا وبلىسى ستەپنوگورسك قالاسىندا سارباز اتىلىپ ءولدى. بۇل تۋرالى ۇلتتىق ۇلاننىڭ باسپا ءسوز قىزمەتى حابارلادى.
"22 ساۋىردە ساعات 7:30 شاماسىندا № 3517 اسكەري بولىمىندە (ستەپنوگورسك قالاسى) مەرزىمدى اسكەري قىزمەتتەگى قاتارداعى ب.ا. راشيەۆ ەسىمدى سارباز تۇزەتۋ مەكەمەسىندە قاراۋىلدا بولعان. وندا ول وزىنە قارۋمەن وق اتقان. وق باسىنا ءتيىپ، سارباز العان جاراقاتىنان قايتىس بولدى" دەلىنگەن حابارلامادا.
بۇل ءىس اقمولا گارنيزونى بويىنشا اسكەري پروكۋراتۋراعا بەرىلدى.
"ق ر ۇلتتىق ۇلان باس قولباسشىسىنىڭ بۇيرىعىمەن وقيعانىڭ ءمان-جايىن انىقتاۋ ءۇشىن قىزمەتتىك تەكسەرىس باستالدى. "ورتالىق" وڭىرلىك قولباسشىلىعى وقيعا ورنىنا ارنايى توپ جىبەردى. قىزمەتتىك تەكسەرىستىڭ قورىتىندىسى جاريالانادى" دەپ حابارلادى ۇلتتىق ۇلاننىڭ باسپا ءسوز قىزمەتى.
پىكىر قالدىرۋ