ۆيرۋسولوگ جىلدىڭ اياعىندا بولۋى مۇمكىن كوروناۆيرۋستىڭ ەكىنشى تولقىنى الەمگە بۇدان دا زور زارداپ اكەلۋى مۇمكىندىگىن ەسكەرتتى. بۇل تۋرالى قامشى ءتىلشىسى ۆاشينگتون پوستقا سىلتەمە جاساپ حابارلايدى. 

اقش-تىڭ اۋرۋلاردى باقىلاۋ جانە الدىن الۋ ورتالىقتارىنىڭ (CDC) ديرەكتورى روبەرت رەدفيلدىڭ ۆاشينگتون پوستقا ايتۋى بويىنشا، كەلەسى قىستا كوروناۆيرۋستىڭ قايتا ءتىرىلۋى ماۋسىمدىق تۇماۋعا سايكەس كەلۋى مۇمكىن. ولاي بولاتىن بولسا، دەنساۋلىق ساقتاۋ قىزمەتتەرىنە تۇسەتىن اۋىرتپالىق قازىرگى جاعدايدان الدەقايدا اۋقىمدى بولادى.

– ەگەر ماۋسىمدىق تۇماۋ مەن كوۆيد-19 ءبىر مەزگىلدە بولسا، "دەنساۋلىق قىزمەتتەرىنە شىنىمەن دە، وتە، وتە، وتە قيىن بولۋى مۇمكىن، – دەيدى ول.

امەريكالىق مەديسينالىق اسسوسياسيانىڭ پرەزيدەنتى دوكتور پاتريك حارريس CNN-گە بەرگەن سۇحباتىندا دوكتور رەدفيلدتىڭ پىكىرلەرىن قوستادى.

ول اقپاراتتىق اگەنتتىككە "ەگەر بۇل ۆيرۋس باسقا ۆيرۋستار سياقتى بولسا، كۇزدە قايتالانۋى مۇمكىن" دەدى.