دەنساۋلىق ساقتاۋ مينيسترلىگى تاعى 56 ناۋقاستان كوروناۆيرۋس انىقتالعانىن حابارلادى. بۇل – قازاقستانداعى 2191-دەرەك.
كوروناۆيرۋستان بۇگىنگە دەيىن 515 قازاقستاندىق ايىقسا، 19 ادام قايتىس بولعان.
الەم بويىنشا COVID-19-بەن اۋىرعانداردىڭ جالپى سانى 2 ملن 637 مىڭنان اسقان. ونىڭ 184 مىڭنان استامى قايتىس بولعان. 718 مىڭعا جۋىق ادام اۋرۋدان ايىققان.
ەپيدەميا اقش-تا ءورشىپ تۇر. بۇگىنگە دەيىن 849 مىڭعا تارتا امەريكالىقتان كوروناۆيرۋس انىقتالعان. مۇنان كەيىنگى ساتىلاردا 208 مىڭنان استام ناۋقاسپەن يسپانيا، 187 مىڭنان استام ناۋقاسپەن يتاليا جايعاسقان. وندىقتى رەسەي قورىتىندىلاپ تۇر. ول جەردە 58 مىڭ ادام ىندەتكە شالدىققان.
