بەيجىڭ سوڭعى اپتالاردا تايۆان اينالاسىنداعى اسكەري جاتتىعۋلاردىڭ سانى مەن قارقىنىن ارتتىردى. بۇل تۋرالى ءال-جازيرا تەلەارناسى حابارلادى.
"جۇڭگو تاراپى تايۆان مەن ۆاشينگتوننىڭ ساياسي تەڭىز ايماقتارىندا ءقاۋىپتى جاتتىعۋلار جاساۋدا" دەپ جازادى ءال-جازيرا. تەلەارنانىڭ اقپاراتىنشا، بەيجىڭ قايتادان سايلانعان تايۆان پرەزيدەنتى ساي ينگ-ۆەنگە دەگەن وشپەندىلىگىن وسىلاي بىلدىرگەنگە ۇقسايدى.
جۇڭگو تايۆاننىڭ اۋماقتىق سۋلارىندا جانە اۋە كەڭىستىگىندە ۇزاق ۋاقىت اسكەري جاتتىعۋلار وتكىزگەن. وسى ايدا جۇڭگو حالىق-ازاتتىق ارمياسىنىڭ اۋە كۇشتەرى 36 ساعاتتىق توزىمدىلىك جاتتىعۋىن جاساعان.
"وتكەن اپتادا قىتايدىڭ Liaoning اۆيا تاسىمالداۋشى كەمەسى مەن بەس اسكەري كەمەسى تايۆانعا مياكو بۇعازى ارقىلى ءجۇزىپ جەتتى" دەپ حابارلايدى تايۆان باق-تارى. ناۋرىزدا جۇڭگو حالىق-ازاتتىق ارمياسىنىڭ اۋە كۇشتەرىنىڭ العاشقى تۇنگى ميسسياسى تۋرالى حابارلامالار بولعان.
ستراتەگيالىق جانە حالىقارالىق زەرتتەۋلەر ورتالىعىنداعى جۇڭگو ەنەرگەتيكالىق جوباسىنىڭ ديرەكتورى بونني گلازەر جاتتىعۋلاردىڭ "وتە اگرەسسيۆتى" بولعانىن ايتتى.
– بۇل جاتتىعۋلار تايۆاندى قورقىتۋ حابارلامالارىن جىبەرۋگە جانە تايۆاننىڭ اۋە قورعانىسىن سىناۋعا ارنالعان. ولار تايپەي اسكەري ۇشاقتارىنىڭ قانشالىقتى جاقسى ۇشىپ جاتقانىن ءبىلۋ ءۇشىن ىستەلىپ وتىر، –دەيدى ول.
ناۋرىز ايىندا جۇڭگو اۋە كۇشتەرىنىڭ تۇنگى ميسسياسى تايۆان بۇعازى ارقىلى جۇڭگو مەن تايۆان تەرريتورياسىنىڭ رەسمي ەمەس تەڭىز شەكاراسىن كەسىپ وتكەن.
پىكىر قالدىرۋ