22 ساۋىردە الماتى قالالىق سوتى بەلسەندى ءالنۇر يلياشيەۆتىڭ قاماۋدان بوساتۋ تۋرالى ءوتىنىشىن قاناعاتتاندىرمادى. بۇل تۋرالى ونىڭ ادۆوكاتى ءوزىنىڭ facebook پاراقشاسىندا حابارلادى.
"ماعان كەلگەن كوپتەگەن سۇراقتارعا جانە قوڭىراۋلارعا جاۋاپ بەرە الماۋىما بايلانىستى يلياشيەۆ ءالنۇردىڭ جاعدايىن قىسقاشا تۇسىندىرۋگە تۋرا كەلدى. بۇگىنگى باسپا ءسوز ءماسليحاتىنان كەيىن اپەللياسيالىق كوميسسيا مەنىڭ شاعىمىمدى قارادى. قالالىق سوتتىڭ سۋدياسى ءبىزدىڭ شاعىمىمىزدى قاناعاتتاندىرمادى. سۋديانىڭ پىكىرىنشە، يلياشيەۆ بوستاندىقتا جۇرگەندە جالعان اقپارات تاراتۋدى جالعاستىرا بەرۋى مۇمكىن. مەن وسىنى عانا ەستىدىم" دەپ جازدى نۇرلان راحمانوۆ.
ادۆوكات نۇرلان راحمانوۆ 22 ءساۋىر كۇنگى جازباسىندا تەرگەۋ ورىندارىنىڭ ءىستى "اۋىر ءىس" دەپ اتاعانىنا قاراماستان تەرگەۋ اياقتالعانى تۋرالى حاتتامانى تاپسىرۋعا اسىعىپ وتىرعانىن جازدى. ادۆوكات ءالنۇردىڭ ءوز قولىمەن جازعان ءوتىنىشىن تەرگەۋشىگە، نە تەرگەۋ باسقارماسىنا، نە پوليسيا دەپارتامەنتىنە وتكىزە الماي جۇرگەنىن دە ايتتى.
پىكىر قالدىرۋ