توتەنشە جاعداي كەزىندە تابىسىنان ايىرىلعان 4،1 ميلليوننان استام ادامعا الەۋمەتتىك تولەم تاعايىندالدى، دەپ حابارلايدى ەڭبەك جانە حالىقتى الەۋمەتتىك قورعاۋ مينيسترلىگىنىڭ باسپا ءسوز قىزمەتى.
23 ساۋىردەگى جاعداي بويىنشا توتەنشە جاعداي كەزىندە كىرىستەن ايىرىلۋعا بايلانىستى مەملەكەتتىك الەۋمەتتىك ساقتاندىرۋ قورىنان 4 ملن 146 مىڭ الەۋمەتتىك تولەم تاعايىندالدى. ونىڭ ىشىندە العاشقى ايدا – 3 ملن 727،5 مىڭ، ەكىنشى ايدا - 418،5 مىڭ.
23 ساۋىردەگى جاعداي بويىنشا «42 500 تەڭگە» تولەمگە 8 ملن 21 مىڭ ادام ءوتىنىش بەردى. بىرەگەي وتىنىشتەردىڭ ەڭ كوپ سانى كەلەسى وڭىرلەردە:
- الماتى وبلىسى – 1 ملن 44،8 مىڭ؛
- تۇركىستان وبلىسى – 998،9 مىڭ؛
- الماتى ق. – 896،2 مىڭ؛
- نۇر-سۇلتان ق. – 594،5 مىڭ؛
- شىمكەنت ق. – 534،4 مىڭ.
وڭىرلەر بويىنشا كەلەسى وبلىستاردىڭ تۇرعىندارىنا جاردەماقى ەڭ كوپ تاعايىندالعان:
- الماتى وبلىسى – 603،4 مىڭ؛
- تۇركىستان وبلىسى – 496،6 مىڭ؛
- الماتى ق. – 403،1 مىڭ.
كەلىپ تۇسكەن 3 ملن 585 مىڭ ءوتىنىم بويىنشا 42 500 تەڭگە تاعايىنداۋدان باس تارتىلدى، سەبەبى ولار تج كەزىندە تابىستىڭ جوعالۋىنا بايلانىستى ءماسق-دان الەۋمەتتىك تولەمدى تاعايىنداۋ قاعيدالارىنا سايكەستىگىن تەكسەرۋدەن وتپەگەن.
باس تارتۋدىڭ نەگىزگى سەبەپتەرى مىناداي:
- ءوتىنىش بەرۋشىنىڭ جەكە دەرەكتەرىنىڭ دۇرىس كورسەتىلمەۋى؛
- بانكتىك شوت ءنومىرىنىڭ دۇرىس كورسەتىلمەۋى؛
ء-وتىنىش بەرۋشىدە تۇراقتى جالاقىسىنىڭ بولۋى (ونىڭ ىشىندە مەملەكەتتىك قىزمەتكەرلەر مەن بيۋدجەتتىك ۇيىمداردىڭ قىزمەتكەرلەرى)؛
- ءوتىنىش بەرۋشىنىڭ توتەنشە جاعداي ەنگىزىلگەنگە دەيىن رەسمي جۇمىس جاساماعان زەينەتاقى مەن جاردەماقى الۋشى بولىپ تابىلۋى؛
- ءوتىنىش بەرۋشى ءۇشىن توتەنشە جاعداي رەجيمىن ەنگىزگەنگە دەيىن سوڭعى
12 اي ىشىندە مىندەتتى الەۋمەتتىك اۋدارىمداردىڭ، زەينەتاقى جارنالارىنىڭ جۇرگىزىلمەۋى، بجت تولەمەۋ نەمەسە بەيرەسمي ءوزىن-وزى جۇمىسپەن قامعانداردىڭ ءوتىنىش بەرگەنگە دەيىن بجت تولەمەۋى؛ - ءوتىنىش بەرۋشىنىڭ قايتىس بولۋى نەمەسە قازاقستان رەسپۋبليكاسىنىڭ اۋماعىنان تىس جەرگە تۇراقتى تۇرۋعا كەتۋى.
پىكىر قالدىرۋ