الماتى قالاسىنىڭ اكىمى باقىتجان ساعىنتايەۆ جۇمىس ساپارى بارىسىندا قوعامدىق كەڭىستىكتى اباتتاندىرۋ جانە كوگالداندىرۋ جونىندەگى جوبالارمەن تانىستى. بۇل تۋرالى ءىnstagram پاراقشاسىندا جاريالادى.
– "جۇمىسپەن قامتۋدىڭ جول كارتاسى" باعدارلاماسى اياسىندا جۇزەگە اسىرىلاتىن قوعامدىق كەڭىستىكتەردى اباتتاندىرۋ جانە كوگالداندىرۋ جونىندەگى جوبالارمەن تانىستىم. جاڭا الماتىنىڭ اۋداندارىنا ەرەكشە كوڭىل بولىنبەك. مىسالى، تەك الاتاۋ اۋدانىنىڭ وزىندە بىردەن 20 جوبانى ىسكە اسىرۋ جوسپارلانعان. اتاپ ايتقاندا، «قاراسۋ» ىقش. رەكرەاسيالىق ايماقتىڭ قۇرىلىسى، «شاپاعات» پەن «زەردەلىدە» سكۆەرلەردى جوندەۋ كوزدەلگەن. مۇنداي جۇمىستار وزگە اۋدانداردا دا جۇرگىزىلەدى، – دەپ جازدى ب. ساعىنتايەۆ.
ول ءوز سوزىندە قالا تۇرعىندارىنا جايلى بولۋ ءۇشىن كوپپاتەرلى تۇرعىن ۇيلەرگە ىرگەلەس ورنالاسقان اۋماقتار مەن جاياۋ جۇرگىنشىلەر جولىن اباتتاندىرۋ جۇمىستارى تۇرعانىن اتاپ ءوتتى.
– جوسپاردا بالالار مەن ۆوركاۋت الاڭدارىن سالۋ، ارىق جۇيەلەرى مەن جارىقتاندىرۋدى رەتكە كەلتىرۋ ماسەلەسى تۇر. ساپالى ءارى ءتوزىمدى ماتەريالداردى پايدالانۋ قاجەتتىگىنە نازار اۋداردىم. بۇل رەتتە قويىلاتىن ورىندىقتار مەن كوشە شامدارى ىڭعايلى، ۇزاق مەرزىمدى قىزمەتكە جارامدى، بەزەندىرىلۋى جاعىنان قالالىق كەڭىستىكتىڭ ساۋلەتتىك كەلبەتىنە سايكەس بولۋىن تاپسىردىم. «ەلدى-مەكەندەردى اباتتاندىرۋ» باعدارلاماسى بويىنشا 125 جوبا جۇزەگە اسىرىلادى. بۇل جوبالاردا 12،5 مىڭ جۇمىس ورنى قۇرىلادى. جالپى، اعىمداعى جىلى «جقجك» بويىنشا 214 جوباعا 26 مىڭ ادام جۇمىسقا ورنالاسادى، – دەپ جازدى شاھار باسشىسى.
پىكىر قالدىرۋ