24 ساۋىردەن باستاپ الماتى قالاسىندا كەمىرگىش جاندىكتەرگە قارسى كۇرەس باستالادى، تازالىق جۇمىستارى 31 مامىرعا دەيىن جالعاسادى.
جاپپاي تازالاۋ جۇمىستارى جوعارعى اۋدانداردان باستالىپ (وڭتۇستىكتەن سولتۇستىككە قاراي) 47 مىڭ گەكتاردان استام اۋماقتى قامتيدى. بۇل ساياباقتار، وزەن جاعالاۋلارى، سۋ قويمالارى، ارىق ناۋالارى، كونتەينەرلىك الاڭدار، سونداي-اق ارنايى كەڭىستىكتەر. 141 مىڭعا جۋىق جەكە تۇرعىن ءۇي قۇرىلىسى تازالانادى. قازىرگى ۋاقىتتا قالادا قاقپاندار ورناتۋ بويىنشا دايىندىق جۇمىستارى جۇرگىزىلۋدە.
سونىمەن قاتار دەراتيزاسيالىق وڭدەۋگە مامانداندىرىلعان دارىگەرلەر مەن ارنايى تەحنيكا جۇمىلدىرىلادى. اۋلا اۋماقتارىندا دەراتيزاسيا جۇرگىزۋ كەزىندە جەكە سەكتوردىڭ تۇرعىندارى ارنايى ۋلى حيميكاتتاردى تەگىن الاتىن بولادى. كەمىرگىشتەردى جويۋدا كاسىپكەرلىك نىساندار دا قاتىسادى.
توتەنشە جاعداي مەن كارانتيندى ەسكەرە وتىرىپ، الدىن-الا وڭدەۋ شامامەن 3،5 مىڭ ساۋدا وبەكتىلەرى مەن ونەركاسىپ كاسىپورىندارى، 500-دەن استام ءبىلىم بەرۋ وبەكتىلەرى مەن دەنساۋلىق ساقتاۋ مەكەمەلەرى، ونىڭ ىشىندە اۋرۋحانالار، ەمحانالار، مەكتەپتەر مەن بالاباقشالار، مەترو، ۆوكزالدار مەن ستاديوندار قامتىلاتىن بولادى.
ەستەرىڭىزگە سالا كەتەيىك، دەراتيزاسيا ەگەۋقۇيرىقتار مەن تىشقانداردىڭ سانىن رەتتەۋگە، سونداي-اق اسا ءقاۋىپتى جۇقپالى جانە ينۆازيالىق اۋرۋلاردىڭ تارالۋىنىڭ الدىن الۋعا باعىتتالعان.
جىل سايىن ءىس-شارالار 2 تۋردا وتكىزىلەدى. بيىل كوكتەمگى ءىس-شارالار مامىر ايىنىڭ سوڭىنا دەيىن جالعاسادى. جۇمىستىڭ كەلەسى كەزەڭى كۇزدە باستالادى.
اۋدانداردا دەراتيزاسيالىق جۇمىستاردى جۇرگىزۋ كەستەسى:
- ناۋرىزباي اۋدانى 24.04.2020 باستاپ 28.04.20 دەيىن
- بوستاندىق اۋدانى 29.04.2020 باستاپ 03.05.2020 دەيىن
- مەدەۋ اۋدانى 04.05.2020 باستاپ 10.05.2020 دەيىن
- الاتاۋ اۋدانى 11.05.2020 باستاپ 18.05.2020 دەيىن
- اۋەزوۆ اۋدانى 19.05.2020 باستاپ 20.05.2020 دەيىن
- المالى اۋدانى 21.05.2020 باستاپ 22.05.2020 دەيىن
- جەتىسۋ اۋدانى 23.05.2020 باستاپ 26.05.2020 دەيىن
- تۇركسىب اۋدانى 27.05.2020 باستاپ 31.05.2020 دەيىن
پىكىر قالدىرۋ