بيىل ەلىمىزدىڭ مەشىتتەرىندە توتەنشە جاعدايعا بايلانىستا اۋىزاشار ءراسىمى بولمايدى. رامازان ايىندا اۋىزاشار بەرۋگە نيەتتەنىپ، ساۋاپ جيناۋعا اسىققان جاندار قايتپەك؟ ۇلىق ايدا الماتىدا قانداي قايىرىمدىلىق شارالارى اتقارىلادى؟ وسى ساۋالدارعا جاۋاپ الۋ ءۇشىن Almaty.tv ارناسىنا تىكەلەي بايلانىسقا شىققان شاھارىمىزدىڭ ورتالىق مەشىتىنىڭ باس يمامى ەركىنبەك شوقاي ايتىپ بەردى.
– ەركىنبەك مىرزا، وسى رامازان ايىندا الماتى قالاسى بويىنشا قانداي قايىرىمدىلىق شارالارى ۇيىمداستىرىلاتىن بولادى؟
– ارينە، بيىلعى ورازانىڭ جاعدايى دا، رامازان ايىنىڭ ءوتۋ فورماتى ەرەكشە بولىپ تۇر. سەبەبى ەلىمىزدە وسىنداي توتەنشە جاعداي جاريالانعان كارانتيندىك رەجيمنىڭ كەزىندە ءبىز ورازامىزدى ۇستاپ، رامازاندى وتكىزەيىن دەپ وتىرمىز. وسىعان بايلانىستى ءبىزدىڭ مەشىتتەرىمىزدە كەشكى تاراۋيح نامازدارى، مەشىتكە جينالۋ، جۇما نامازدارىن وتكىزۋ ازىرگە ۋاقىتشا توقتاتىلىپ وتىر. وسى كارانتين كەزەڭى باستالعالى بەرى الماتى قالاسى مەشىتتەرى قايىرىمدىلىق شارالارىنا بەلسەندى اتسالىسىپ كەلە جاتىرمىز. ونىڭ بارلىعى ءبىزدىڭ قازاقستان مۇسىلماندارى ءدىني باسقارماسىنىڭ ءتوراعاسى ناۋرىزباي قاجى تاعان ۇلى حازىرەتتىڭ باستاماسىمەن «جۇرەك جىلۋى» اتتى رەسپۋبليكالىق قايىرىمدىلىق كەرۋەنى جاريالانعان بولاتىن. ارينە ءبىز رامازان ايىندا وسى شارالاردى ارى قاراي جالعاستىراتىن بولامىز. بۇل قايىرىمدىلىق شارالارىنىڭ اياسىندا تاراتىلاتىن ازىق-تۇلىك سەبەتتەرى كۋرەرلىك كومپانيالار ارقىلى، سولاردىڭ قىزمەتى ارقىلى ىسكە اسايىن دەپ وتىر. سەبەبىمكارانتين ءوزىمىزدىڭ ۆولونتەرلاردىڭ، ءوزىمىزدىڭ قىزمەتكەرلەردىڭ ۇيلەرىنە بارۋىنا مۇمكىندىك بەرمەيدى.
– وسى ايدا ادامنىڭ كوبى اۋىز اشتىرىپ، ساۋاپ جيناۋعا اسىعادى عوي. ونداي جاندار نە ىستەسە بولادى؟
– ارينە، ءبىز ادەتتەگى جاعدايدا، بىلتىرعا رامازاندا مەشىتتەردىڭ جانىندا ۇلكەن اۋىزاشار داستارحاندارىن جاياتىنبىز. ءبىر كۇننىڭ وزىندە قالانىڭ مەشىتتەرىندە 9-10 مىڭعا جۋىق جاماعاتتارىمىز كەلىپ اۋىز اشاتىن. ءبىراق بيىلعى جاعداي باسقاشا. بيىل كارانتيندىك رەجيمنىڭ تالابى بويىنشا مەشىتتەرگە جينالۋعا رۇقسات بولماعاندىقتان اۋىزاشار داستارحاندار مەشىتتەردىڭ جانىندا جايىلمايدى. ءبىز بۇكىل جاماعاتقا، تۇرعىندارعا ۇيلەرىندە اۋىز اشۋعا كەڭەس بەرىپ وتىرمىز. سونىمەن قاتار، قايىر جاسايىن، اۋىزاشۋ دەگەن ۇلكەن ساۋاپتى ءىس قوي، اۋىشاشتىرايىق، ساۋاپ الايىق دەگەن كىسىلەردىڭ ارنايى مەيرامحانالار ارقىلى ۇيگە جەتكىزىپ بەرۋ قىزمەتى ارقىلى ۇيىمداستىرامىز دەپ جوسپارلاپ وتىرمىز.
– تۇششىمدى جاۋابىڭىزعا راحمەت. رامازان ايى مۇباراك بولسىن!
پىكىر قالدىرۋ