بەلگىلى جازۋشى، كينودراماتۋرگ سماعۇل ەلۋباي بارشا قازاقستاندىقتاردى قاسيەتتى رامازان ايىنىڭ باستالۋىمەن قۇتتىقتادى.

– بۇگىن الەم مۇسىلماندارىنىڭ جىل بويى اسىعا كۇتەتىن رامازان ايى كەلىپ جەتتى. وسى ءبىر اي بويى تەك ءوزىن اللاعا بۇرىپ اق تىلەكتەر تىلەيدى. بۇل 1،5 ملرد ادامزاتتىڭ 1،5  ملرد بولىگىنىڭ يمانعا بۇراتىن ايى. ول ۇلكەن كۇش. قۇداي قالاسا وسى كۇشتىڭ ارقاسىندا وسى الەمدى جايلاعان ءقاۋىپتى ىندەتتەن قۇتىلامىز دەپ ويلايمىن. ورتالىق ءمۇفتياتتىڭ شەشىمىنە ساي ورازا ۇستاعان جان مەشىتكە بارا المايدى، باسقوسىپ اۋىز اشا المايدى. بۇل شەشىمدى ءبىز قولدايمىز. ويتكەنى باستىڭ اماندىعى ماڭىزدى، – دەدى س. ەلۋباي

سونىمەن قاتار جازۋشى توتەنشە جاعداي كەزىندە ەلدىڭ قاۋىپسىزدىگىن قامتاماسىز ەتىپ، جۇمىس جاساپ جۇرگەن بارشا قىزمەتكەرلەرگە العىسىن ءبىلدىردى. 

– ب. ساعىنتايەۆ باسقارعان قالا اكىمشىلىگى كۇن-تۇن دەمەي جۇمىس جاساپ جاتىر. سونداي-اق جار قۇلاعى جاستىققا تيمەي جۇرگەن كۇللى دارىگەرلەر قاۋىمىنا، پوليسيا، ارنايى اسكەري قىزمەتكەرلەرگە الماتىلىقتاردىڭ اتىنان العىسىمىزدى ايتامىن، – دەدى س. ەلۋباي. 

جازۋشى ءسوز سوڭىندا بارشا كۇللى الماتى حالقى وسى ءبىر ايدا اللادان اق تىلەك تىلەپ، ءتىلسىز جاۋعا قارسى تۇرىپ تازالىق، ءتارتىپ جۇمىستارىن ساقتاسا، ىندەتتى جەڭىپ شىعۋعا ءۇمىتتى ەكەنىن اتاپ ءوتتى.