ۇلىبريتانيانىڭ باسقارۋىندا بولعان كەزدەگى گونكونگتىڭ سوڭعى گۋبەرناتورى لورد پاتتەن انگليا تەلەارناسى Sky News-عا بەرگەن سۇحباتىندا جۇڭگو كوممۋنيستىك پارتياسىنىڭ پاندەميا ساياساتىنا قاتىستى كۇردەلى سۇراقتارى بار ەكەنىن ايتتى. بۇل تۋرالى قامشى ءتىلشىسى The Express باسىلىمىنا سىلتەمە جاساپ حابارلايدى.
– بۇل ءبىزدىڭ قىتايمەن نەمەسە ۋحاندا بولىپ جاتقان وقيعالاردى اشۋعا تىرىسقان كەرەمەت باتىل دارىگەرلەرمەن كەلىسپەۋشىلىگىمىز ەمەس... جۇڭگو كوممۋنيستىك پارتياسىنىڭ ايتقان سوزىنە سەنۋگە بولمايدى... جۇڭگو بيلىگىنىڭ ءىندەتتىڭ العاشقى ساتىسىندا اقپاراتتى جاسىرىنعانىن جۇڭگو حالقى دا بىلەدى، – دەدى ول.
لورد پاتتەن: "ادەيى وتىرىك ايتىلدى جانە بۇل بارىنە بەلگىلى... قاڭتاردىڭ اياعىندا، ءتىپتى جۇڭگو سىرتقى ىستەر ءمينيسترى اۆستراليانىڭ سىرتقى ىستەر مينيسترىنە بۇل ۆيرۋستىڭ ەمدەلەتىنىن جانە الدىن الۋعا بولاتىندىعىن ايتقان... سونىمەن بىرگە سول كەزدە قىتايلىقتار اۆستراليادان مەديسينالىق قۇرال-جابدىقتاردى جاپپاي ساتىپ الىپ جاتقان... جۇڭگو كوممۋنيستىك پارتياسىنىڭ اقپاراتتارى ءارقاشان جاسىرىن بولادى. ولار تەك ءوزىن قورعاۋعا تىرىسىپ، ۆيرۋستى ادەيى باقىلاۋدان شىعۋىنا مۇمكىندىك بەرەتىنىن راستايتىن كوپتەگەن دالەلدەر بار" دەدى.
پىكىر قالدىرۋ