– مەملەكەت باسشىسى مەن پرەمەر-مينيستر داعدارىسقا قارسى قاجەتتى بارلىق شەشىم قابىلدادى. ەلىمىزدە توتەنشە جاعداي جاريالانىپ، كارانتين رەجيمى ەنگىزىلدى. مەن بارلىق ازاماتتاردى توتەنشە جاعداي كەزىندە ءتيىستى تالاپتاردى ورىنداۋعا شاقىرامىن. تاريحىمىزدا مۇنداي اۋىرتپالىقتار تالاي رەت بولعان. ءبىراق وسى جولعى قيىندىقتىڭ ورنى بولەك. ءاربىر قازاقستاندىق مەملەكەتتىڭ قامقورلىعىن سەزىنۋى ءۇشىن قولدان كەلگەننىڭ ءبارىن جاساپ جاتىرمىز. سونىمەن قاتار ءقازىر ءبىز الدىن-الا قامدانۋىمىز كەرەك. الەمنىڭ بۇرىنعىداي بولماسى انىق، - دەدى قازاقستاننىڭ تۇڭعىش پرەزيدەنتى.

قاۋىپسىزدىك كەڭەسىنىڭ ءتوراعاسى مەملەكەت پەن قوعامدا بولاتىن وزگەرىستەرگە دە توقتالدى.

– بىرىنشىدەن، بارلىق ەل وزدەرىنىڭ ەكونوميكالىق ستراتەگيالارىن قايتا قاراپ جاتىر. مۇندا ءوزىن-وزى قامتاماسىز ەتۋ، وزىنە تيەسىلى رەسۋرستارعا ءۇمىت ارتۋ، ءوندىرىس پەن قارجىلىق تىزبەكتىڭ سەنىمدىلىگى العاشقى ورىندا بولادى. ەكىنشىدەن، جاڭا سالالىق باسىم باعىتتار قالىپتاسادى. ءتيىمسىز سەكتورلار مۇلدە جويىلىپ كەتەدى. ەكونوميكالىق ءوسىمنىڭ كوشىن تىڭ سالالار باستايىن دەپ تۇر. ولار ەكونوميكانى ىلگەرىلەتىپ، ادامداردى جۇمىسپەن قامتيدى. ۇشىنشىدەن، بارلىق اۋقىمدى داعدارىستار تەحنولوگيالىق جانە ەكونوميكالىق الەمدىك ءتارتىپتىڭ سيكلدىك وزگەرۋىمەن بايلانىستى. ءقازىر ەسكى مودەلدىڭ كۇيرەگەنىن كورىپ وتىرمىز، – دەدى نۇرسۇلتان نازاربايەۆ.

ەلباسى جاھاندىق سىن-قاتەرلەردى ەڭسەرۋ ءۇشىن قازاقستاندا بارلىق قاجەتتى رەسۋرستار بار ەكەنىن اتاپ ءوتتى.

– وتكەن جىلدارى ءبىز شيكىزاتقا تاۋەلدىلىكتى ازايتۋ ءۇشىن تاباندى جۇمىس ىستەدىك. سوندىقتان دامۋدىڭ بارلىق نەگىزگى باعىتتارى بويىنشا ارنايى باعدارلامالار ازىرلەندى. يندۋستريالاندىرۋ، شاعىن جانە ورتا بيزنەستى دامىتۋ، ينفراقۇرىلىمدىق دامۋ، اۋىل شارۋاشىلىعى، الەۋمەتتىك باعدارلامالار جۇزەگە اسىرىلدى. ولارعا ۇلكەن رەسۋرس ءبولىندى. ءبىز ۇلتتىق قورعا قوماقتى قاراجات جينادىق. ەندى داعدارىس كەزىندە ونىڭ ەلگە پايداسى ءتيىپ جاتىر. الايدا قورداعى قارجى شەكسىز ەمەس، ونى ۇنەمدى جانە ەڭ قيىن جاعدايدا عانا پايدالانۋ كەرەك، – دەدى قازاقستاننىڭ تۇڭعىش پرەزيدەنتى.

قاۋىپسىزدىك كەڭەسىنىڭ ءتوراعاسى الەۋمەتتىك-ەكونوميكالىق دامۋدا ەرەكشە ادىس-تاسىلدەردى قولدانۋدىڭ ماڭىزدىلىعىن اتاپ ءوتتى.

– ءبىرىنشى كەزەكتە داعدارىسقا قارسى كەشەندى شارالاردى جۇزەگە اسىرۋىمىز كەرەك. كورسەتىلىپ جاتقان كومەكتىڭ بيزنەس پەن حالىققا جەتۋى ءۇشىن بولىنگەن ءار تەڭگەنى قاداعالاۋ قاجەت. ءقازىردىڭ وزىندە ەكونوميكانى قالپىنا كەلتىرۋ جانە داعدارىستان كەيىنگى كەزەڭدە دامۋ باعدارلاماسىن ىسكە اسىرۋعا كىرىسكەن ءجون. ەكونوميكانىڭ نەگىزگى سالالارىنىڭ، بولاشاق ەكونوميكاسىنىڭ، قارجى جانە الەۋمەتتىك سالانىڭ، قالالار مەن اۋىلداردىڭ دامۋ باعىتتارىن انىقتاپ الۋ ماڭىزدى، – دەدى نۇرسۇلتان نازاربايەۆ.

ەلباسى داعدارىسقا قارسى شارالاردى جۇزەگە اسىرۋ ءۇشىن بارلىق دەڭگەيدەگى مەملەكەتتىك ورگانداردىڭ ءتيىمدى جۇمىسىن قامتاماسىز ەتۋ قاجەتتىلىگىنە توقتالدى.

– قازاقستاندى ءتيىمدى كورپوراسيا رەتىندە قاراستىراتىن ءسات تۋدى. ول ستراتەگيالىق ءارى وپەراسيالىق ناقتى جوسپارعا سايكەس ءبىرىڭعاي ورتالىقتان باسقارىلۋعا ءتيىس. اۋىل اكىمىنەن باستاپ ۇكىمەت مۇشەسىنە دەيىنگى مەملەكەتتىك قىزمەتشىنىڭ ءبارى ءوز جۇمىسىن قايتا پىسىقتاپ، ناقتى ناتيجەلەرگە قول جەتكىزۋى قاجەت. ەلگە ەكونوميكانى قالپىنا كەلتىرۋ، جۇمىسسىزدىقتى ازايتۋ، حالىقتى ازىق-تۇلىكپەن جانە قاجەتتىنىڭ بارىمەن قامتاماسىز ەتۋ ءۇشىن ءتيىمدى ءارى باتىل شەشىم قابىلداي الاتىن مەنەدجەرلەر كەرەك، – دەدى قازاقستان رەسپۋبليكاسىنىڭ تۇڭعىش پرەزيدەنتى.

قورىتىندىلاي كەلە، قاۋىپسىزدىك كەڭەسىنىڭ ءتوراعاسى 2020 جىلعى داعدارىستان كەيىنگى ەلىمىزدىڭ دامۋ جولىن دەر كەزىندە ويلاستىرۋ بۇل قيىندىقتى جەڭىپ شىعۋعا كومەك بەرىپ قانا قويماي، بۇكىل مەملەكەت ءۇشىن پايداسى تيەتىندىگىن اتاپ ءوتتى.

– ءبىز بۇل داعدارىستى دا جەڭەتىنىمىزگە سەنىمدىمىن. اكىمدەر مەن مينيسترلەر تىكەلەي جاۋاپ بەرەدى. ۇكىمەت بارلىق مەملەكەتتىك باعدارلامالار مەن داعدارىسقا قارسى ءىس-شارالاردىڭ ءتيىمدى ورىندالۋىن باقىلاۋدى قامتاماسىز ەتۋى قاجەت. مەن بارشا قازاقستاندىقتاردى قابىلدانعان شارالاردى قولداۋعا، بىرلىككە جانە ءتارتىپتى ساقتاۋعا شاقىرامىن. مۇنىڭ ءبارى حالىقتىڭ مۇددەسى ءۇشىن جاسالىپ جاتىر، – دەدى نۇرسۇلتان نازاربايەۆ.