پاۆلوداردا جەرگىلىكتى تۇرعىن كوپ قاباتتى ءۇيدىڭ بالكونىندا كاۋاپ پىسىرگەنى ءۇشىن جاۋاپقا تارتىلدى. بۇل تۋرالى Polisia.kz حابارلادى.
تۇرعىن بۇل ارەكەتىن تەلەفونعا ءتۇسىرىپ، الەۋمەتتىك جەلىدە جاريالاعان. پوليسيا ينسپەكتورلارى ول ادامدى دەرەۋ انىقتادى.
ول نازاربايەۆ كوشەسىندەگى كوپ قاباتتى ءۇيدىڭ تۇرعىنى بولىپ شىقتى. ول بالكوندا وت جاعىپ، كاۋاپ ءپىسىرۋ ارقىلى ءورت قاۋىپسىزدىگى ەرەجەلەرىن ساقتاماعان جانە باسقا تۇرعىنداردىڭ ومىرىنە ءقاۋىپ توندىرگەن.
توتەنشە جاعدايلار باسقارماسىنىڭ قىزمەتكەرلەرى پاۆلودارلىق تۇرعىندى اكىمشىلىك قۇقىق بۇزۋشىلىق تۋرالى كودەكستىڭ 410-بابى (ءورت قاۋىپسىزدىگى تالاپتارىن بۇزعانى نەمەسە ساقتاماعانى ءۇشىن) بويىنشا اكىمشىلىك جاۋاپقا تارتتى.
پوليسيا قىزمەتكەرلەرى تۇرعىندارعا ءورت قاۋىپسىزدىگى تۋرالى ۇمىتپاۋدى جانە وزگەلەرگە ءقاۋىپ توندىرمەۋدى ەسكەرتتى.
پىكىر قالدىرۋ