سەمەي قالاسى قاراعايلى تۇرعىن اۋدانىندا جالپى الاڭى 111،965 مىڭ شارشى مەتردى قۇرايتىن 20 كوپقاباتتى تۇرعىن ءۇي پايدالانۋعا ەنگىزىلگەن. بۇل تۋرالى بريفينگ بارىسىندا قالالىق قۇرىلىس ءبولىمىنىڭ باسشىسى بولات جاقايەۆ باياندادى.

– قازىرگى تاڭدا 20 كوپقاباتتى ءۇي پايدالانۋعا بەرىلگەن. جالپى الاڭى 95،883 مىڭ ش. م. قۇرايتىن 18 جاڭا ءۇيدىڭ قۇرىلىسى جۇرگىزىلۋدە. جالپى الاڭى 171،600 مىڭ ش. م. 43 تۇرعىن ءۇيدىڭ جوبالاق سمەتالىق قۇجاتتاماسىن ازىرلەۋ بويىنشا جۇمىستار دا جۇرگىزىلىپ جاتىر. 320 ورىندىق بالاباقشا پايدالانۋعا بەرىلدى، 1200 ورىندىق مەكتەپ پەن 320 ورىندىق بالاباقشا قۇرىلىسىنا جەر تەلىمدەرى ءبولىندى. بۇگىنگى كۇنى ءبىر مەكتەپكە جسق ازىرلەنۋدە، سونىمەن قاتار وسى شاعىن اۋداندا تاعى دا بەس مەكتەپتىڭ قۇرىلىسى جوسپارلانۋدا. توتەنشە جاعداي كەزىندە قۇرىلىس توقتاعان جوق، بارلىق جۇمىستاردى جالعاستىرامىز، – دەدى بولات جاقايەۆ.

مۇندا سونداي-اق ۇزىندىعى 2،5 كم ومسك-مايقاپشاعاي (پاۆلودار تراسساسى) جولىن قايتا جاڭارتۋ جوسپارلانىپ، 6 كوشە جوبالاندى. ولاردىڭ ءبىرى سپورتتىق-مادەني كەشەندى، ساياباق ايماعىن، نزم مەن ءبىلىم جانە تەحنولوگيالار ترانسفەرتى ورتالىعىن بىرىكتىرەتىن بولادى. ول اربات جاياۋ جۇرگىنشىلەر كوشەسى، كونكيمەن سىرعاناۋ جولى، ەكى حوككەي الاڭى، سونداي-اق جاساندى مۇز توسەلەتىن جىل بويى پايدالانىلاتىن دوپتى حوككەي، كەرلينگ ويىندارى ءۇشىن ءۇش الاڭ جوسپارلانعان. تريبۋنانىڭ سىيىمدىلىعى ءبىر مەزەتتە 1000 كورەرمەن ءۇشىن ارنالعان.

بيىل «قاراعايلى» تۇرعىن اۋدانى ناقتىلى جوسپارلاۋ جوباسىن اۋداننىڭ اۋماعىن سولتۇستىك جاققا 90،0 گا ۇلعايتۋعا تۇزەتۋ بويىنشا جۇمىستار باستالدى، وندا ءبىرىنشى قاباتتارىندا تۇرعىن ەمەس جايلار، 80-نەن استام كوپقاباتتى تۇرعىن ۇيلەردى، مەكتەپتەردى، ءورت ءسوندىرۋ دەپو جانە الەۋمەتتىك نىسانداردى سالۋ قاراستىرىلعان.

«قاراعايلى» تۇرعىن اۋدانىنىڭ ناقتىلى جوسپارلاۋ جوباسى تۇزەتىلگەننەن كەيىن، اۋماقتىڭ جالپى كولەمى – 293 گا قۇرايدى، تۇرعىندار سانى – 32،6 مىڭ ادام، ۇيلەردىڭ سانى – 227، تۇرعىن ءۇي قورى 1188،5 مىڭ شارشى مەتردى قۇرايتىن بولادى.

سەمەي قالاسىنىڭ اقپاراتتىق ورتالىعى