سولتۇستىك كورەيا باسشىسى كيم چەن ىننىڭ اينەك تابىتتا جاتقان سۋرەتى الەۋمەتتىك جەلىدە، اسىرەسە، تۆيتتەردە تارالۋدا. بۇل تۋرالى قامشى ءتىلشىسى بريتانيالىق Daily Express باسىلىمىنا سىلتەمە جاساپ حابارلايدى. الايدا، بۇل سۋرەتتەگى ادامنىڭ ناقتى كيم چەن ىن ەكەنى راستالماعان.
ايتا كەتەيىك، بۇعان دەيىن سولتۇستىك كورەيا ليدەرىنىڭ جۇرەك وتاسىنان كوز جۇمعانى جايىندا اقپارات پايدا بولدى. كوپ ۇزاماي، ونىڭ وتباسىلىق پويىزىنىڭ سپۋتنيكتىك سۋرەتى جاريالانىپ، ونىڭ ءتىرى ەكەنى تۋرالى وڭتۇستىك كورەيا پرەزيدەنتىنىڭ كەڭەسشىسى سۇقبات بەردى. سولتۇستىك كورەيا باسىلىمدارى كيم چەن ىننىڭ قۇرىلىسشى جۇمىسكەرلەرگە العىس حات جولداعانىن جازدى. ال، ەكى كۇن بۇرىن جۇڭگو مەديسينالىق توبىنىڭ سولتۇستىك كورەيا استاناسى پحەنيانعا جىبەرىلگەنىن حابارلاعانبىز. سونىمەن بىرگە، كيم چەن ىننىڭ ومىرىنە ۇلكەن ءقاۋىپ ءتونىپ تۇرعانىن، ونىڭ ورنىنا قارىنداسىنىڭ كەلۋى مۇمكىن ەكەنىن جانە سولتۇستىك كورەيا باسشىسىنىڭ ءولىمى يادرولىق سوعىس ءقاۋپىن تۋدىراتىنىن جازعانبىز.
پىكىر قالدىرۋ