توتەنشە جاعداي رەجيمىنىڭ ەنگىزىلۋىنە بايلانىستى تابىسىنان ايىرىلعان قازاقستاندىقتارعا 42 500 تەڭگە مولشەرىندەگى الەۋمەتتىك تولەمنىڭ ەكىنشى ايعا قاشان بەرىلەتىندىگى بەلگىلى بولدى، دەپ حابارلايدى قازاقپارات.

– مەملەكەتتىك الەۋمەتتىك ساقتاندىرۋ قورىنان تولەنەتىن ەكىنشى ايعا ارنالعان الەۋمەتتىك تولەم قازاقستاندىقتاردىڭ ەسەپشوتىنا ءبىرىنشى تولەم تۇسكەن كۇننەن كەيىن ءبىر ايدان سوڭ تۇسەدى. ياعني، 42 500 تەڭگە تولەمدى ءساۋىر ايىنىڭ 11-دە العان ازاماتتار مامىر ايىنىڭ ءبىرىنشى ونكۇندىگىندە ەكىنشى تولەمگە قول جەتكىزەدى، – دەپ ءتۇسىندىردى اگەنتتىك تىلشىسىنە ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ باسپا ءسوز قىزمەتىندەگىلەر.

توتەنشە جاعدايدىڭ العاشقى ايى ءۇشىن تولەمدى العاندار قايتادان ءوتىنىم بىلدىرمەيدى. ولارعا 42500 تەڭگە اۆتوماتتى تۇردە تۇسەدى. ول ءۇشىن العاشقى تولەمگە ءوتىنىم 15 ساۋىرگە دەيىن جىبەرىلگەن بولۋى كەرەك.

سوڭعى دەرەك بويىنشا 42500 تەڭگە مولشەرىندەگى الەۋمەتتىك تولەم 4 ملن 251 مىڭ ادامعا تاعايىندالعان. ونىڭ 3 ملن 731 مىڭى العاشقى ايدا، 520 مىڭى ەكىنشى ايدا تاعايىندالعان.