اقش-تىڭ قورعانىس مينيسترلىگى "اشىلماعان اۋە قۇبىلىستارى" تۋرالى ءۇش بەينەجازبانى جاريالادى. بۇل تۋرالى قامشى ءتىلشىسى BBC-گە سىلتەمە جاساپ حابارلايدى.

پەنتاگون بەينەجازباداعى كورىنىس شىن بولسىن، بولماسىن "جۇرتشىلىقتىڭ كەز كەلگەن تۇسىنبەستىگىن جويۋعا تىرىسقىسى" كەلەتىنىن مالىمدەدى.

بەينەلەر 2007 جانە 2017 جىلدارى شىققان.

ولاردىڭ ەكەۋىن New York Times جاريالاعان، ال ءۇشىنشىسىن بۇرىنعى Blink-182 ءانشىسى توم دەلونگ قۇرعان ۇيىم جاريا ەتكەن.

كەيبىرەۋلەر ۆيدەودا كورىنگەن زاتتى بەلگىسىز ۇشاتىن نىساندار (نلو) دەپ مالىمدەگەن.

New York Times گازەتىنىڭ حابارلاۋىنشا، 2004 جىلعى بەينەجازبانى ەكى اسكەري تەڭىز ۇشقىشى تۇسىرگەن. بەينەجازبادا تىنىق مۇحيتىندا شامامەن 160 ميل قاشىقتىقتا سۋ ۇستىندە قالىقتاعان دوڭگەلەك نىسان كورىنەدى.

2015 جىلى تۇسىرىلگەن تاعى ەكى ۆيدەودا ۇشپالى دەنە كەڭىستىكتە قوزعالىپ تۇرعان، بىرەۋى ۇرشىقشا اينالادى. بىرىندە ۇشقىشتىڭ: "مىنا نارسەگە قارا، دوسىم!" دەگەن داۋىسى ەستىلەدى.