تۇركيادا قازاقستاندىق قىز جارتاستان قۇلاپ، قايتىس بولدى، دەپ حابارلايدى Qamshy.kz اقپارات اگەنتتىگى Tengrinews.kz سايىنىڭ دەرەگىن نەگىزگە الىپ. 

بۇل وقيعا انتاليانىڭ ۇلتتىق ساياباعىندا بولعان. بۇل تۋرالى قىزدىڭ قۇربىسى ولگا كراۆچۋك ايتتى. قازاقستاندىق قىز تۇركيادا بەس جىل ۋاقىت گيد بولىپ جۇمىس ىستەگەن .

– ول انتالياداعى ۇلتتىق ساياباقتاعى سارقىرامانىڭ قاسىندا بولعان. سوسىن تاستار قۇلاپ، ءوزى تەپە-تەڭدىكتى ۇستاي الماي، قۇلاپ كەتكەن. سارقىرامانىڭ بيىكتىگى – 35 مەتر، – دەيدى قىزدىڭ قۇربىسى.

قازىرگى ۋاقىتتا قايتىس بولعان قىزدىڭ جاقىندارى مەن تۋىستارى مارقۇمنىڭ دەنەسىن قازاقستانعا جەتكىزۋ ءۇشىن اقشا جيناپ جاتىر.

ولاردىڭ ايتۋىنشا، دەنەنى جەتكىزۋ ءۇشىن 900 مىڭ تەڭگە كەرەك. ءبىراق باستى پروبلەما دەنەنى الماتىدان قوستانايعا جەتكىزۋ دەيدى. ول ءۇشىن تاعى 400 مىڭ تەڭگە كەرەك.