شىعىس قازاقستان وبلىسىنىڭ اكىمى دانيال احمەتوۆ وبلىستا ەلدە العاشقىلاردىڭ ءبىرى بولىپ اۋە قاتىناسى قايتا اشىلاتىنى تۋرالى حابارلادى.
"قۇرمەتتى دوستار، بۇگىن مەملەكەتتىك كوميسسيانىڭ ءتوراعاسى، ەلىمىزدىڭ پرەمەر-مينيسترى اسقار ۇزاقباي ۇلى ماميننەن شىعىس قازاقستان قالالارى مەن نۇر-سۇلتان، الماتى اراسىنداعى ىشكى اۆيارەيستەردى اشۋعا رۇقسات بەرۋىن سۇرادىم.
⠀
وسىلايشا، ءبىز مامىر ايىنىڭ باسىنان وبلىستار اراسىندا ەلىمىزدە العاشقىلاردىڭ ءبىرى بولىپ اۋە قاتىناسىن قايتا اشامىز. كۇن سايىن نۇر-سۇلتان مەن الماتىدان وسكەمەنگە دەيىن جانە كەرى قاراي ەكى رەيستەن قاتىنايتىن بولادى. سونداي-اق، "نۇر-سۇلتان – سەمەي"، "الماتى – سەمەي" باعىتتارىن بويىنشا ءبىر رەيستەن ۇشادى.
⠀
وبلىس كولەمىندە ەنگىزىلگەن شەكتەۋ رەجيمىنەن شىعۋ جوسپارىنىڭ ءبىرىنشى قادامى بىزگە ەكونوميكالىق جاعدايدى تۇراقتاندىرۋ باعىتىن ناقتى باعدارلاۋعا مۇمكىندىك بەرەتىنىنە سەنىمدىمىن" دەدى اكىم instagram پاراقشاسىندا.
پىكىر قالدىرۋ