داعدارىس ەڭ الدىمەن شاعىن بيزنەستى كۇيرەتەدى. وسىلايشا، جۇمىسسىز قالعان نەمەسە تۇراقتى تابىسىنان ايىرىلعاندار سانى ارتادى. ەگەر شۇعىل شارا قابىلدانباسا، قازاقستاندا جۇمىسسىزدىق دەڭگەيى 4،8 پروسەنتتەن 13،7 پروسەنتكە ءبىراق كوتەرىلۋى مۇمكىن، دەپ حابارلايدى «حابار 24».
جۇمىس ورىندارى مەن حالىقتىڭ تابىسىن ساقتاپ قالۋدىڭ بىرنەشە جولى قاراستىرىلماق. الدىمەن، شاعىن بيزنەس قىزمەتكەرلەرىنە ەڭبەكاقى تولەۋدى سۋبسيديالاۋ ۇسىنىلدى. ال سۋبسيدياعا دامەلى جۇمىس بەرۋشىلەرگە ەڭبەك كەلىسىم شارتتارىن ەلەكتروندىق ەڭبەك بيرجاسى ارقىلى تىركەۋ تۋرالى شارت ەنگىزۋى مۇمكىن. بۇدان بولەك، 2020 جىلدىڭ سوڭىنا دەيىن جالاقىسى تومەن قىزمەتكەرلەر ءۇشىن مىندەتتى زەينەتاقى جارنالارىن مەملەكەتتەن سۋبسيديالاۋ ۇسىنىلدى.
وزبەكستاندىق ەميگرانتتاردىڭ 65 % قازاقستانعا كوشكەن
قازاقستان وزبەكستاندىقتار قونىس اۋدارعان بەس ەلدىڭ ىشىندە ءبىرىنشى ورىندا تۇر. بيىل وزبەكستاننان 1906 ادام كوشىپ كەتكەن. ولاردىڭ 65 پوسەنتى نەمەسە 1234 ادام قازاقستانعا كەلگەن. رەسمي اقپاراتقا ساي، ەكىنشى ورىندا رەسەي تۇر. ول جاققا وزبەكستاندىقتاردىڭ 29 پروسەنتى قونىس اۋدارعان. تىزىمگە قىرعىزستان، يزرايل جانە تاجىكستان كىردى. ايتا كەتۋ كەرەك، يزرايل وزبەكستاننىڭ مەملەكەتتىك ستاتيستيكا كوميتەتىنىڭ ەسەپتەرىندە 2018 جىلدان باستاپ تۇراقتى كەزدەسەتىن الىس شەتەلدەگى جالعىز مەملەكەت.
اقش كومپانيالارى مۇنايدى ستراتەگيالىق قوردا ساقتاي باستادى
اقش-تاعى جەكەمەنشىك كومپانيالار مۇنايدى ەلدىڭ ستراتەگيالىق قور قويمالارىنا ساقتاي باستادى. ساۋىردە ولار قويمالارعا 1،1 ميلليون باررەلگە جۋىق مۇناي جەتكىزگەن. وسى ايدا اقش-تىڭ ەنەرگەتيكا مينيسترلىگى جەكەمەنشىك كومپانيالارمەن كەلىسىم جاسادى. وعان سايكەس، ستراتەگيالىق مۇناي قورىنىڭ قويمالارىندا جىلىنا 23 ملن باررەل ساقتاۋعا رۇقسات ەتىلگەن. بۇل كولەمنىڭ باسىم بولىگى مامىر جانە ماۋسىم ايلارىندا جەتكىزىلەدى. وتكەن اپتادا اقش پرەزيدەنتى دونالد ترامپ اقش مۇناي باعاسىنىڭ تاريحي قۇلدىراۋىن پايدالانىپ، ۇلتتىق ستراتەگيالىق قورلاردى تولىقتىرۋ ءۇشىن 75 ملن باررەل ساتىپ الاتىنىن مالىمدەدى.
ەلدەگى جاڭالىقتارعا ويىسساق. قازاقستاندىق كومپانيالاردىڭ جۇمىرتقا ەكسپورتى 57،5%-كە تومەندەگەن. سالاداعى ءوندىرىس كولەمى وتكەن جىلدىڭ وسى كەزەڭىمەن سالىستىرعاندا، شامامەن 7%-كە ازايعان.
پىكىر قالدىرۋ