الماتىدا COVID-19 ۆيرۋسىن جۇقتىرۋدىڭ جاڭادان 28 جاعداي انىقتالدى، ونىڭ بارلىعى ۆيرۋس جۇقتىرعان ناۋقاسپەن بايلانىستا بولعاندار، كارانتيندە پروۆيزورلىق گوسپيتالداردا ەمدەلىپ جاتقان ادامدار. بۇل تۋرالى اكىمدىكتى باسپا ءسوز قىزمەتى حابارلادى. 

بۇگىنگى كۇنى كوروناۆيرۋستىق ينفەكسيادان ساۋىعىپ، تاعى 6 ادام ەمدەۋدەن شىعارىلدى. ونىڭ ىشىندە ەكى ەر ادام جانە ءتورت ايەل كىسى بار. مەديسينا قىزمەتكەرلەرى اراسىنان ءبىر ەر ادام جانە ءۇش ايەل بار. بەسىنشى پاسيەنت ىستامبۋلدان ۇشىپ كەلگەن، التىنشى ادام مينسكىدەن ۇشىپ كەلگەن. بۇعان دەيىن ۇشىپ كەلگەن ەكى پاسيەنت پروۆيزورلىق ستاسيوناردا بولعان.

ءۇش پاسيەنتتە ەمدەۋ كەزىندە جاعدايى پوليسەگمەنتارلى ەكى جاقتى پنيەۆمونياسىنىڭ بولۋىنا بايلانىستى، اۋىرلىقتىڭ ورتاشا دارەجەسى، قالعاندارىندا سيمپتومسىز تاسىمالداۋشىلىق رەتىندە باعالاندى.

بۇگىنگى تاڭدا مەگاپوليستە ەمدەلىپ جازىلعانداردىڭ سانى 96 ادامدى قۇرايدى.

جۇقپالى اۋرۋلار ستاسيونارلارىندا كوروناۆيرۋستىق ينفەكسيادان ەمدەۋدە الماتى وبلىسىنان پاسيەنتتى ەسەپكە العاندا، 739 ادام بار.

ناۋقاستاردىڭ جاي-كۇيلەرى ءبىر ادامدا – اسا اۋىر، 33 ادامدا – اۋىر، 195 ادامدا – ورتاشا اۋىرلىق دارەجەسىندە، قالعاندارىندا – قاناعاتتانارلىق.