الماتىدا كوروناۆيرۋس ينفەكسياسىن جۇقتىرعان 847 جاعداي تىركەلدى. بۇل تۋرالى قالا اكىمدىگىنىڭ باسپا ءسوز قىزمەتى حابارلادى. 

كەشە تاعى 5 ادام ۆيرۋس جۇقتىرعانى انىقتالدى.

ولاردىڭ تورتەۋى كارانتيندەگى ۆيرۋس جۇقتىرعان ناۋقاسپەن بايلانىستا بولعاندار. ونىڭ ىشىندە 1989 ج. ت. 2 ەر ادام جانە 1971، 1958 ج. ت. 2 ايەل كىسى، ال بەسىنشىسى كەشە اتىراۋ - الماتى رەيسىمەن ۇشىپ كەلگەن 1988 ج. ت. ايەل. ۇشىپ كەلگەن سوڭ ەكيپاجدىڭ بارلىق مۇشەلەرى كارانتينگە ورنالاستىرىلدى.

جۇقپالى اۋرۋلار ستاسيونارلارىندا كوروناۆيرۋستىق ينفەكسيادان ەمدەۋدە الماتى وبلىسىنان پاسيەنتتى ەسەپكە العاندا، 744 ادام بار.

2 ناۋقاستىڭ جاي-كۇيى اسا اۋىر دەپ باعالانۋدا، 29 ادامدا – اۋىر، 214 ادامدا – اۋىرلىقتىڭ ورتاشا دارەجەسىندە جانە قالعاندارىندا – قاناعاتتانارلىق.

ەكى ناۋقاس تىنىس الۋ جەتكىلىكسىزدىگىنە بايلانىستى ءوجج اپپاراتىندا بولادى.

پروۆيزورلىق گوسپيتالداردا 481 ادام جاتىر، ونىڭ ىشىندە – 11 بالا، كارانتيندىك وقشاۋلاۋدا 415 ادام، ونىڭ ىشىندە 5ء-ى بالا. پروۆيزورلىق جانە كارانتيندىك ستاسيونارلاردا بوس ورىندار جەتكىلىكتى ەكەندىگىن ايتا كەتكەن ءجون.

ستاتيستيكا بويىنشا الماتىدا 97 جاسار ايەلدىڭ قاتىس بولۋى مي قان اينالىمىنىڭ ءجىتى بۇزىلۋىنان تۋىنداعان قايتىمسىز ورگانيكالىق دەرتىنىڭ سالدارىنان تۋىنداعان. بۇل رەتتە، كوروناۆيرۋستىق ينفەكسيا، باسقا دا ءبىرقاتار اۋىر اۋرۋلارى سياقتى قوسىمشا بولىپ تابىلدى.

وسىعان بايلانىستى، الماتى قالاسى قوعامدىق دەنساۋلىق باسقارماسى جانىنداعى كۆي-عا وڭ تالداۋى بار پاسيەنتتەردەگى قايتىس بولۋمەن اياقتالعان جاعدايلاردى زەردەلەۋ جونىندەگى كوميسسيا (قبجزك) بۇل جاعدايدى كۆي سەبەبى بويىنشا قايتىس بولۋ جاعداينا جاتقىزباۋ تۋرالى شەشىم قابىلدادى.

96 ادام ساۋىعىپ ەمدەۋدەن شىعارىلدى، ونىڭ ىشىندە 6-ى بالالار.

كەشە ي. س. جەكەنوۆا اتىنداعى قالالىق كلينيكالىق جۇقپالى اۋرۋلار اۋرۋحاناسىنىڭ فيليالى (بۇدان ءارى – جۇقپالى اۋرۋلار اۋرۋحاناسى) COVID-19 ۆيرۋسىن جۇقتىرعان پاسيەنتتەردى قابىلداي باستادى. ءقازىر مۇندا 43 ناۋقاس بار.

جۇقپالى اۋرۋلار اۋرۋحاناسى دارىگەرلەر ءۇشىن BI-Industrial قۇرىلىس كومپانياسى رەكوردتىق مەرزىمدە (18 كۇن) سالعان مودۋلدىك كەشەندە ورنالاسقان.

مودۋلدىك كەشەندە پالاتالاردا تەرىس قىسىم جاسايتىن جەلدەتۋ جۇيەسى جۇمىس ىستەيدى: ۆيرۋستارى بار اۋا پالاتادان تىس جەرگە ەنبەيدى، ول ارنايى زارارسىزداندىرۋ جۇيەلەرىنە تۇسەدى.

پالاتالاردا گەرمەتيكالىق ەسىكتەر ورناتىلعان، كارىز جۇيەسىن تازالاۋدىڭ ەرەكشە جۇيەسى جۇمىس ىستەيدى.

بۇل اۋرۋحانانىڭ 280 توسەك-ورىنعا ەسەپتەلگەنىن ەستەرىڭىزگە سالا كەتەيىك. قۇرىلىمىنا 9 كلينيكالىق بولىمشە، 28 توسەك-ورىندىق رەانيماسيا بولىمشەسى، دالاعا جەكە شىعاتىن 10 ءبىر ورىندىق پالاتالار، بەس ورىندىق ديناميكالىق باقىلاۋ پالاتالارى بار قابىلداۋ بولىمشەسى كىرەدى.