الماتى قالاسى اكىمدىگىنىڭ باسپا ءسوز ورتالىعىندا قالالىق الەۋمەتتىك ءال-اۋقات باسقارماسىنىڭ باسشىسى راحات شيماشيەۆا ب ا ق وكىلدەرىنە ونلاين بريفينگ وتكىزدى.

باسقارما باسشىسى مەملەكەت باسشىسىنىڭ تاپسىرماسى بويىنشا توتەنشە جاعداي كەزىندە كورسەتىلىپ جاتقان جەڭىلدىكتەرگە توقتالا كەلە، الماتى قالاسى اكىمىنىڭ قولداۋىمەن جۇزەگە اسىپ جاتقان ءىس-شارالار تۋرالى كەڭىنەن ايتتى.

ونىڭ ايتۋىنشا، الماتى قالاسىندا توتەنشە جاعداي كەزىندە حالىقتىڭ الەۋمەتتىك وسال توپتارىن الەۋمەتتىك قولداۋ جونىندەگى جۇمىستار جالعاستىرىلىپ جاتىر.

اعىمداعى جىلى كەڭەس–گەرمان سوعىسىنداعى جەڭىستىڭ 75 جىلدىعىن مەرەكەلەۋگە بايلانىستى مەملەكەت باسشىسىنىڭ تاپسىرماسىنا سايكەس سوعىس قاتىسۋشىلارى مەن مۇگەدەكتەرىنە ءبىر جولعى تولەم تولەنەدى. قالا اكىمىنىڭ قولداۋىمەن (الماتى قالاسى ءماسليحاتىنىڭ 02.04.2020 ج. №437 شەشىمىنە سايكەس) سوعىس قاتىسۋشىلارى مەن مۇگەدەكتەرىنىڭ ىشىنەن 202 ادامعا الەۋمەتتىك قولداۋ كورسەتۋ ماقساتىندا 1 ملن تگ، 4 مىڭ ادامعا – 100 مىڭ تگ جانە تاعى 14 مىڭ ادامعا – 50 مىڭ تگ بولىنەدى.

جالپى 1،3 ملرد. تەڭگە كولەمىندەگى ءبىر جولعى تولەمدەردى 18 296 ادام الادى:

– سوعىس قاتىسۋشىلارى مەن مۇگەدەكتەرىنە 1 ملن تگ (202 ادام)؛
– 100 مىڭ تگ سوعىس قاتىسۋشىلارى مەن مۇگەدەكتەرىنە جەڭىلدىكتەر مەن كەپىلدىكتەرىنە تەڭ ادامدار (3954 ادام)؛
– سوعىستا قايتىس بولعان (قايتىس بولعان، حابارسىز) اسكەري قىزمەتشىلەردىڭ قايتا تۇرمىس قۇرماعان جەسىرلەرىنە 100 مىڭ تگ (4 ادام)؛
– اۋعانستانداعى سوعىس كەزىندە العان جاراقاتتار، جاراقاتتانۋ، اۋرۋ سالدارىنان قايتىس بولعان نەمەسە قايتىس بولعان اسكەري قىزمەتشىلەردىڭ اتا-انالارى مەن جۇبايلارىنا 100 مىڭ تگ (32 ادام)؛
– ەڭبەك مايدانىنىڭ قاتىسۋشىلارىنا (سوعىس جىلدارىندا تىلدا جۇمىس ىستەگەن)، ونىڭ ىشىندە كسرو مەدالدارىمەن جانە وردەندەرىمەن ماراپاتتالعان، سونىمەن قاتار، ماراپاتتالماعان ادامدارعا 50 مىڭ تگ (14 104 ادام) تولەم تولەنەتىن بولادى.