توتەنشە جاعداي مەن كارانتينگە بايلانىستى تابىسىنان ايىرىلعان ازاماتتار مەن حالىقتىڭ الەۋمەتتىك وسال توپتارىنا تاعايىندالعان الەۋمەتتىك تولەم كىمگە جانە قانداي مولشەردە بەرىلگەنى بەلگىلى بولدى. بۇل تۋرالى الماتى قالاسى الەۋمەتتىك ءال-اۋقات باسقارماسىنىڭ باسشىسى راحات شيماشيەۆا كەڭىنەن ءتۇسىندىرىپ بەردى.

– توتەنشە جاعدايعا بايلانىستى تابىسىن جوعالتقان ازاماتتارعا بەرىلەتىن 42 500 تەڭگەنى جۇزەگە اسىرۋ ەرەجەلەرى قانداي ەكەنىن ءتۇسىندىرۋ ءۇشىن بۇعان دەيىن بىرنەشە رەت بريفينگتەر وتكىزىلدى. الماتى بويىنشا جۇيەگە جالپى 896 752 ءوتىنىش كەلىپ ءتۇستى. ونىڭ ىشىندە 416 045 ادامعا سوماسى 17،5 ملرد تەڭگە بولاتىن الەۋمەتتىك كومەك تاعايىندالدى. ءبىرىنشى ايدا ونى 370 660 ادام السا، ەكىنشى ايدا 45 385 ادامعا بەرىلدى، – دەدى ر. شيماشيەۆا.

باقىلاۋ جانە تەكسەرىس ناتيجەسىندە تالاپتارعا ساي كەلمەيتىن 471 مىڭ ءوتىنىش قابىلدانباعان.

تولەمدەردى تاعايىنداۋدان باس تارتۋ سەبەپتەرى مىناداي:

– توتەنشە جاعداي جاريالانعاننان بۇرىن سوڭعى 12 ايدا الەۋمەتتىك اۋدارىمداردىڭ/ءبىرىڭعاي جيىنتىق تولەم/مىندەتتى زەينەتاقى جارنالارىنىڭ بولماۋى، ەگەر بجت ءوتىنىش بەرۋ كۇنىنە دەيىن تولەنگەن بولسا (68%)؛
– ءوتىنىش بەرۋشى – الەۋمەتتىك تولەمدەر مەملەكەتكە تيەسىلى كاسىپورىندار، ۇيىمدار، مەكەمەلەر جۇرگىزەتىن جانە مەملەكەتتىك ورگاندار باسقاراتىن تۇلعا (5،8%)؛
– بجت تولەۋشىسى، العاشقى تولەم توتەنشە جاعداي كەزىندە تولەنىپ (2020 جىلدىڭ 16 ناۋرىزىنان باستاپ)، سونىمەن قاتار تولەمدەر مەن جاردەماقىلار الۋشىلار (20%)؛
– ەكىدەن استام تولەۋشىلەردەن مىندەتتى الەۋمەتتىك اۋدارىمدار (مىندەتتى زەينەتاقى جارنالارى نەمەسە ءبىرىڭعاي جيىنتىق تولەم) جاسالعان، ونىڭ ىشىندە ءبىر كەزەڭگە وزدەرى ءۇشىن تولەگەندەر (6%)؛
– ت.ب. (ق ر شىققاندار، الۋشىنىڭ قايتىس بولۋى) (0،2%).
– الەۋمەتتىك تولەمدەردى جۇزەگە اسىرۋ ەرەجەسىنە سايكەس (ەڭبەك ءمينيسترىنىڭ 2020 جىلعى 26 ناۋرىزداعى №110 بۇيرىعى) باسقارما قابىلداعان قۇجاتتار شتابپەن وڭدەلىپ، مەملەكەتتىك كورپوراسياعا، سودان كەيىن تولەم جۇرگىزۋ ءۇشىن مەملەكەتتىك الەۋمەتتىك ساقتاندىرۋ قورىنا جىبەرىلەدى، – دەدى سپيكەر.

بريفينگ كەزىندە باسقارما باسشىسى «جاڭا الاتاۋ» قورى ەسەبىنەن ازىق-تۇلىك جيىنتىقتارىمەن قامتاماسىز ەتىلگەن ازاماتتار جايلى دا ايتىپ ءوتتى.

– بارلىق مۇقتاج ساناتتاردى ەسەپكە العاندا ازىق-تۇلىك سەبەتىن 12 797 ادام الدى. ونىڭ ىشىندە 2481 جالعىزباستى زەينەتكەر بولسا، 5443 ادام ااك الۋشىلار، ال قالعان 4873 ادام بايلانىس ورتالىعى ارقىلى بەلگىلى بولعان مۇقتاج ازاماتتار، – دەدى ر. شيماشيەۆا.

ايتا كەتەيىك، توتەنشە جاعداي كەزىندە 2 ايلىق ەسەپتىك كورسەتكىش، ياعني 5567 تگ كولەمىندە الەۋمەتتىك كومەك 352،1 ملن تگ ەسەبىندە 63،2 مىڭ ادامعا بەرىلدى.

 

ولاردىڭ ىشىندە:
– 1، 2 توپتاعى مۇگەدەكتەر – 17 128 ادام، 95،4 ملن تگ؛
– مۇگەدەك-بالا – 6577 ادام، 36،7 ملن تگ؛
– مۇگەدەك بالانى كۇتۋمەن اينالىساتىن اتا-انالار – 6185 ادام، 34،6 ملن؛
– ااك الۋشىلار سانىنان 6 جاستان 18 جاسقا دەيىنگى بالالار – 6699 ادام، 37،3 ملن؛
– ااك ەرەسەك الۋشىلارى – 7580 ادام، 42،2 ملن؛
– 3 توپتاعى مۇگەدەكتەر – 10 253 ادام، 57،1 ملن؛
– رەسمي تۇردە تىركەلگەن جۇمىسسىزدار – 8800 ادام، 48،9 ملن تگ كومەك الدى.