اقش-تىڭ جالاۋىن كوتەرگەن ەكى كەمە سوڭعى 48 ساعات ىشىندە اسكەري-تەڭىز كۇشتەرىنىڭ ناۆيگاسيالىق وپەراسيالارى اياسىندا داۋلى سپراتلي ارالدارى ارقىلى ءجۇزىپ ءوتتى. بۇل تۋرالى قامشى ءتىلشىسى The Express باسىلىمىنا سىلتەمە جاساپ حابارلايدى.
اقش-تىڭ USS Barry زىمىران جويۋشى كەمەسى داۋلى پاراكەل ارالدارىن ارالادى، ونى USS Bunker Hill اسكەري ۇشاق تاسيتىن سوعىس كەمەسى قاداعالادى.
امەريكا اسكەري كۇشتەرىنىڭ ايماقتاعى كۇشەيۋى قىتايعا تىكەلەي ءقاۋىپ رەتىندە قاراستىرىلىپ وتىر.
جۇڭگو بيلىگى اقش-تى "حالىقارالىق زاڭداردى ەلەمەدى"، "قىتايدىڭ ەگەمەندىگى مەن قاۋىپسىزدىك مۇددەلەرىن ەلەۋلى تۇردە بۇزدى" جانە "ارانداتۋشىلىق ارەكەتتەر جاسادى" دەپ ايىپتادى.
وسى ايدىڭ باسىندا قىتايدىڭ عالامدىق تەلەديدار جەلىسى بەيجىڭ وڭتۇستىك جۇڭگو تەڭىزىندەگى ەكى داۋلى ارالعا باقىلاۋ ورناتقانىن حابارلاعان.
جۇڭگو مەن ونىڭ كورشىلەس ەلدەرى برۋنەي، مالايزيا، فيليپپين، تايۆان جانە ۆەتنام اراسىندا داۋلى شەكارالار مەن ايماقتار بار.
پىكىر قالدىرۋ