سولتۇستىك جانە وڭتۇستىك كورەيا ەلدەرىن ءبولىپ تۇرعان اسكەريلەندىرىلمەگەن ايماقتا اتىس بولدى. بۇل تۋرالى قامشى ءتىلشىسى BBC-گە سىلتەمە جاساپ حابارلايدى.
"تاڭعى ساعات 07:41-دە سولتۇستىك كورەيا اسكەرلەرى وڭتۇستىك كورەيانىڭ شەكارا ماڭىنداعى چەرۆون قالالىق كۇزەت بەكەتىنە وق اتتى" دەپ حابارلادى سەۋلدىڭ اسكەري قىزمەتكەرلەرى.
وڭتۇستىك كورەيا تاراپىنان زارداپ شەككەندەر جوق.
جاۋاپ رەتىندە وڭتۇستىك كورەيا "نۇسقاۋلىققا سايكەس ەكى وق اتىپ ەسكەرتۋ جاريالادى" دەلىنگەن اسكەري مالىمدەمەدە.
باستاپقى اتىسقا نە سەبەپ بولعاندىعى بەلگىسىز. بىرىككەن شتاب باستىقتارى (JCS) وقيعانىڭ سەبەبىن انىقتاۋ ءۇشىن سولتۇستىك كورەيامەن اسكەري سەنىم تەلەفونى ارقىلى بايلانىسۋعا تىرىسقاندارىن ايتتى.
بۇل – سولتۇستىك كورەيا اسكەرلەرى سوڭعى بەس جىل ىشىندە العاش رەت وڭتۇستىككە تىكەلەي وق اتقان وقيعا بولىپ تىركەلدى.
پىكىر قالدىرۋ