داۋرەن ابايەۆ ق ر پرەزيدەنتى اكىمشىلىگى باسشىسىنىڭ ءبىرىنشى ورىنباسارى بولىپ تاعايىندالدى.
"داۋرەن اسكەربەك ۇلى ابايەۆ قازاقستان رەسپۋبليكاسى پرەزيدەنتىنىڭ اكىمشىلىگى باسشىسىنىڭ ءبىرىنشى ورىنباسارى بولىپ تاعايىندالسىن" دەلىنگەن اقوردا سايتىنا جاريالانعان پرەزيدەنت جارلىعىنىڭ ماتىنىندە.
داۋرەن اسكەربەك ۇلى ابايەۆ 1979 جىلى الماتى وبلىسىندا تۋعان. 2001 جىلى ءال-فارابي اتىنداعى قازاق مەملەكەتتىك ۇلتتىق ۋنيۆەرسيتەتىن ۇزدىك بىتىرگەن. 2014 جىلى ەۋرازيا گۋمانيتارلىق ينستيتۋتىن ءتامامداعان.
2001 جىلدىڭ تامىزى مەن 2003 جىلدىڭ تامىزى ارالىعىندا ق ر سىرتقى ىستەر مينيسترلىگىنىڭ ورتالىق اپپاراتىندا جۇمىس ىستەدى.
2003 جىلدىڭ مامىرى مەن 2007 جىلدىڭ مامىرى ارالىعىندا ق ر ازەربايجانداعى جانە نيدەرلاندى كورولدىگىندەگى ەلشىلىكتەرىندە ديپلوماتيالىق قىزمەت اتقاردى.
2007 جىلدىڭ مامىرى مەن 2007 جىلدىڭ جەلتوقسانى ارالىعىندا - ق ر سىرتقى ىستەر مينيسترلىگى باسپا ءسوز قىزمەتى ءبولىمىنىڭ باسشىسى.
2007 جىلدىڭ جەلتوقسانى مەن 2008 جىلدىڭ جەلتوقسانى ارالىعىندا - ق ر پرەزيدەنتى پروتوكولىنىڭ باس ساراپشىسى، كونسۋلتانتى. 2008 جىلدىڭ جەلتوقسانى مەن 2009 جىلدىڭ قازانى ارالىعىندا - قرپرەزيدەنتى باسپا ءسوز حاتشىسىنىڭ ورىنباسارى.
2009 جىلدىڭ قازانىنان - ق ر پرەزيدەنتى اكىمشىلىگىنىڭ مەملەكەتتىك باقىلاۋ جانە اۋماقتىق-ۇيىمداستىرۋ جۇمىسى ءبولىمىنىڭ مەملەكەتتىك ينسپەكتورى. 2011 جىلدىڭ قازانىندا مەملەكەت باسشىسىنىڭ وكىمىمەن ق ر پرەزيدەنتىنىڭ باسپا ءسوز حاتشىسى بولىپ تاعايىندالدى.
2013 جىلدىڭ شىلدەسىنەن 2016 جىلعا دەيىن ق ر پرەزيدەنتىنىڭ كەڭەسشىسى - ق ر پرەزيدەنتىنىڭ باسپا ءسوز حاتشىسى قىزمەتىن اتقاردى. 2016 جىلدىڭ مامىرىندا ق ر اقپارات جانە قوعامدىق دامۋ ءمينيسترى بولىپ تاعايىندالدى.
پىكىر قالدىرۋ