ماقتاارال اۋدانىنىڭ 10 ەلدىمەكەنى ءقاۋىپتى ايماقتا ورنالاسقان. ونىڭ 5ء-ۋى، ياعني جاڭاتۇرمىس، جەڭىس، فيردوۋسي، ورگەباس، دوستىق اۋىلدارى سۋ استىندا قالسا، قالعان 5 ەلدىمەكەندى وبلىس اكىمدىگى، وبلىستىق توتەنشە جاعدايلار دەپارتامەنتى، قازسۋشار جانە اۋىل تۇرعىندارىنان قۇرالعان ۆولونتەرلەردىڭ كومەگىمەن سۋ باسۋ قاۋپىنەن شىعارىلدى. سونىڭ ىشىندە اتاپ وتەتىن ستراتەگيالىق ماڭىزى زور 14 مىڭنان استام حالقى بار مىرزاكەنت ەلدىمەكەنى قىزىل سۋ باسۋدان امان قالدى. بۇل تۋرالى وبلىس اكىمىنىڭ ورىنباسارى ساكەن قالقامانوۆ وڭىرلىك كوممۋنيكاسيا قىزمەتىنىڭ الاڭىندا مالىمدەدى.

جۋرناليستەرگە ارناپ بريفينگ وتكىزگەن وبلىس اكىمىنىڭ ورىنباسارى ماقتاارال اۋدانىندا سۋ باسۋ ءقاۋپى بار ەلدىمەكەندەر اينالاسىنا بوگەتتەر تۇرعىزىلعانىن جەتكىزدى.

اتا ايتقاندا، نۇرلى جول ەلدىمەكەنى اۋماعىندا ۇزىندىعى 2،5 م، بيىكتىگى 1،5 م. بولاتىن بوگەت سوعىلدى. فيردوۋسي ەلدىمەكەنىنەن مىرزاكەنت ەلدىمەكەنىنە قاراي 3 كوللەكتور ورنالاستىرىلدى. ورگەباس ەلدىمەكەنىنىڭ اۋماعىندا ۇزىندىعى 20 م، بيىكتىگى 1 م. بولاتىن بوگەت جاسالسا، ىرىستى ەلدىمەكەنىندە بيىكتىگى 0،5 م، ۇزىندىعى 40 م. بوگەت سوعىلدى. سونداي-اق، جانتاقساي ەلدىمەكەنىنىڭ ماڭىنان ۇزىندىعى 800 م. بولاتىن بوگەت تۇرعىزىلدى.

سونىمەن قاتار، كورشى جەتىساي اۋدانىندا قوعالى اۋىلىنىڭ اۆتوموبيل جولىنىڭ بويىندا ۇزىندىعى 500 مەتردەن اساتىن بوگەت سالۋ ارقىلى نىعايتۋ جۇمىستارى جۇرگىزىلۋدە (بوگەت سالۋعا 6000 دانا قاپ پايدالانىلعان). اتالعان جۇمىسقا 649 ادام، 15 دانا تەحنيكا جۇمىلدىرىلعان. ونىڭ ىشىندە جەرگىلىكتى اكىمدىكتەن 13 تەحنيكا، 15 ادام، تجد 30 ادام، پوليسيا دەپارتامەنتىنەن 4 ادام، 2 تەحنيكا جانە600-دەن استام ەرىكتىلەر بار.

كورشى جەتىساي اۋدانىندا قوعالى اۋىلىنىڭ اۆتوموبيل جولىنىڭ بويىندا ۇزىندىعى 500 مەتردەن اساتىن بوگەت سالۋ ارقىلى نىعايتۋ جۇمىستارى جۇرگىزىلۋدە (بوگەت سالۋعا 6000 دانا قاپ پايدالانىلعان). اتالعان جۇمىسقا 649 ادام، 15 دانا تەحنيكا جۇمىلدىرىلعان. ونىڭ ىشىندە ەرەكشە اتاپ وتەتىنى جەرگىلىكتى600-دەن استام ۆولونتەرلەردىڭ جۇمىسى. جاناشىرلارعا العىسىمىزدى بىلدىرەمىز»، دەدى س. قالقامانوۆ.

تۇركىستان وبلىسى وڭىرلىك كوممۋنيكاسيا قىزمەتى