اقش پرەزيدەنتى دونالد ترامپ پاندەميا زاردابى ءۇشىن قىتايعا ءبىر تريلليون دوللار تاريف ەنگىزىپ، جازالاۋعا ۋادە بەردى. بۇل تۋرالى قامشى ءتىلشىسى بريتانيالىق Daily Express باسىلىمىنا سىلتەمە جاساپ حابارلايدى.
دونالد ترامپ وتەماقى تولەۋ ءتۇرى رەتىندە پەكينگە 1 تريلليون دوللارعا دەيىن تاريف ەنگىزۋدى ۇسىندى. الايدا ترامپ باسپا ءسوز ءماسليحاتىندا قىتايعا قاتىستى كەلەسى قادامدارى تۋرالى ناقتى ايتۋدان باس تارتتى.
تاريفتەر تۋرالى ساۋال قويىلعاندا، اقش پرەزيدەنتى: "مەنىڭ ونى ايتقىم كەلمەيدى. بىزدە وتە كۇردەلى ويىن ءجۇرىپ جاتىر" دەدى.
ترامپ اكىمشىلىگى "جۇڭگو كوروناۆيرۋس اقپاراتتارىن جاسىرىن ۇستاپ، ونىڭ بۇكىل الەمگە تارالۋىنا سەبەپشى بولدى" دەپ ايىپتاعان.
وتكەن اپتادا اق ءۇيدىڭ شەنەۋنىكتەرى جۋرناليستەرگە اكىمشىلىكتىڭ قىتايدان وتەماقى ءوندىرىپ الۋعا قاتىستى نۇسقالاردى قاراستىرىپ جاتقانىن جەتكىزدى.
وعان تەك تاريفتەر ەنگىزۋ عانا ەمەس، سونىمەن بىرگە اقش-تاعى جۇڭگو قارىزدارىنىڭ ءبىر بولىگىن الىپ تاستاۋ دا جاتادى.
شەنەۋنىكتەردىڭ ءبىرى "قىتايعا قالاي سوققى جاساۋ كەرەكتىگى جانە ونى قالاي دۇرىس تەكسەرۋ كەرەك ەكەنى تۋرالى پىكىرتالاس ءجۇرىپ جاتىر" دەدى.
پىكىر قالدىرۋ