فرانسيادا العاش كوروناۆيرۋس جەلتوقساندا پايدا بولعان. بۇل تۋرالى قامشى ءتىلشىسى BBC-گە سىلتەمە جاساپ حابارلايدى.
– 27 جەلتوقساندا پنيەۆمونيا دياگنوزى قويىلعان ناۋقاستا ءىس جۇزىندە كوروناۆيرۋس بولعان، – دەيدى فرانسۋز دارىگەرى.
دوكتور يۆ كوەن فرانسۋز اقپارات قۇرالدارىنا سول كەزدە الىنعان تامپون جاقىندا سىنالعانىن جانە Covid-19 ءۇشىن وڭ ناتيجە بەرگەنىن ايتتى.
جەلتوقساندا كوروناۆيرۋس جۇقتىردى دەلىنگەن ناۋقاس تولىقتاي ساۋىعىپ كەتكەن. الايدا ۆيرۋستى قايدا جۇقتىرعانىن بىلمەيتىنىن ايتقان. ونىڭ ايتۋىنشا، ەشقانداي ينفەكسيا ايماقتارىندا بولماعان.
بۇل جاڭالىق ۆيرۋستىڭ فرانسيادا جەلتوقساندا پايدا بولعانىن بىلدىرەدى.
وسى ۋاقىتقا دەيىنگى رەسمي مالىمەت بويىنشا، فرانسيادا كوروناۆيرۋستىڭ العاشقى ءۇش جاعدايى 24 قاڭتاردا راستالعان.
ناۋقاستاردىڭ ەكەۋى قىتايداعى ۋحان قالاسىندا بولعان. ال ءۇشىنشىسى – ولاردىڭ جاقىن تۋىسقانى.
پىكىر قالدىرۋ