تۇركىستان وبلىسىنىڭ اكىمى ءو. شوكەيەۆ بايانداما جاسادى. 

وزبەكستاننىڭ سىرداريا وبلىسىنداعى ساردوبا سۋ قويماسى بوگەتىنىڭ ءبىر بولىگى جارىلىپ، سۋ قويماسىنداعى سۋ دەڭگەيىن تومەندەتۋ ءۇشىن سۋدى اعىزۋ سالدارىنان قازاقستاننىڭ تۇركىستان وبلىسى ماقتاارال اۋدانىنىڭ شەكارا ماڭىنداعى كوللەكتورلارى سۋعا تولتىرىلدى. سۋدىڭ اعىپ كەتۋىنىڭ سالدارىنان ماقتاارال اۋدانىنىڭ شەكاراسىنداعى كوللەكتوردان سۋ توگىلىپ، 5 ەلدى مەكەندەگى 631 ءۇيدى سۋ باستى: جاڭا تۇرمىس – 46 ءۇي، جەڭىس – 130 ءۇي، فيردوۋسي – 250 ءۇي، ورگەباس – 194 ءۇي، دوستىق – 11 ءۇي. ماقتاارال اۋدانىندا 3 600 گا ەگىس القابى زارداپ شەكتى، ونىڭ 85%-ى ماقتا ەگۋگە ارنالعان. سۋ تاسقىنى باستالعاننان بەرى جالپى سانى 30 581 ادامدى قۇرايتىن 14 ەلدى مەكەن ەۆاكۋاسيالاندى.

ق ر پرەمەر-مينيسترىنىڭ وكىمىمەن پرەمەر-مينيستردىڭ ورىنباسارى ر. سكلياردىڭ توراعالىعىمەن ۇكىمەتتىك كوميسسيا قۇرىلدى، وعان ورتالىق جانە جەرگىلىكتى اتقارۋشى ورگانداردىڭ باسشىلارى كىردى. 

«كوميسسيا بەس اۋىلدا – جاڭا تۇرمىس، جەڭىس، فيردوۋسي، ورگەباس، دوستىق اۋىلدارىنا كەلتىرىلگەن زالالعا شۇعىل باعالاۋ جۇرگىزىپ، ودان سوڭ ينجەنەرلىك، كولىك، الەۋمەتتىك ينفراقۇرىلىم مەن تۇرعىن ءۇيدى قالپىنا كەلتىرۋ جۇمىستارىن باستايدى. ۇكىمەت زارداپ شەككەندەرگە بارلىق قاجەتتى كومەكتى كورسەتەدءى»، – دەدى ا. مامين.