پرەمەر-مينيستر اسقار مامين كەيبىر ماماندىققا كۆوتا بويىنشا تۇسكەن ستۋدەنتتەردى وقۋ ورنىن ءتامامداعان سوڭ اۋىلدىق جەردە جۇمىس ىستەۋگە مىندەتتەيتىن قاۋلىعا قول قويدى.
قاۋلى بويىنشا «ماماندى جۇمىسقا جىبەرۋ، ءوز بەتىمەن جۇمىسقا ورنالاسۋ قۇقىعىن بەرۋ، مەملەكەتتىك ءبىلىم بەرۋ تاپسىرىسى نەگىزىندە ءبىلىم العان ازاماتتاردى جۇمىسىن وتەۋ جونىندەگى مىندەتىنەن بوساتۋ نەمەسە ولاردىڭ مىندەتىن توقتاتۋ قاعيدالارىن بەكىتۋ جانە «ءبىلىم بەرۋ گرانتىن بەرۋ ەرەجەسىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2008 جىلعى 23 قاڭتارداعى №58 قاۋلىسىنا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسى ۇكىمەتىنىڭ 2012 جىلعى 30 ناۋرىزداعى №390 قاۋلىسىنا (قازاقستان رەسپۋبليكاسىنىڭ ءپۇاج-ى، 2012 ج.، № 40، 531-قۇجات) وزگەرىستەر ەنگىزىلدى.
3-تارماققا ساي، پەداگوگتىك، مەديسينالىق، ۆەتەريناريالىق جانە اۋىل شارۋاشىلىعى ماماندىقتارى بويىنشا كۆوتامەن وقىعان اۋىل جاستارى جوعارى وقۋ ورنىن بىتىرگەننەن كەيىن كەمىندە ءۇش جىل اۋىلدىق جەردە جۇمىس ىستەۋگە مىندەتتەلدى. ولار مەملەكەتتىك ءبىلىم بەرۋ ۇيىمدارىندا، مەملەكەتتىك مەديسينا ۇيىمدارىندا، ۆەتەريناريا سالاسىنداعى قىزمەتتى جۇزەگە اسىراتىن مەملەكەتتىك ورگاندار بولىمشەلەرىندە، مەملەكەتتىك ۆەتەريناريا ۇيىمدارىندا جانە مەنشىك نىسانىنا قاراماستان، اگرارلىق بەيىندەگى ۇيىمداردا جۇمىسىن وتەيدى.
پىكىر قالدىرۋ