ماقتارال اۋدانىندا سۋ تاسقىنىنان زارداپ شەككەندەرگە كومەك كورسەتۋ ءۇشىن «ساليقالى ۇرپاق» قوعامدىق قورى تۇركىستان وبلىسىنىڭ كورپوراتيۆتىك الەۋمەتتىك دامۋ قورىنا 200 ميلليون تەڭگە اۋداردى.
«4 مامىر كۇنى قوعامدىق قور زارداپ شەككەن وتباسىلارعا جاردەم كورسەتۋ ءۇشىن اتاكەنت اۋىلىنداعى ارنايى قويماعا 20 توننا گۋمانيتارلىق كومەك جەتكىزدى. ونىڭ ىشىندە ازىق-تۇلىكتەن باسقا، شارۋاشىلىق جانە گيگيەنالىق زاتتار، سونىمەن قاتار بالالارعا ارنالعان ءتاتتى تاعامدار بولدى»، - دەيدى «ساليقالى ۇرپاق» قوعامدىق قورىنىڭ جەتەكشىسى قاسىم قاسابەكوۆ.
«ساليقالى ۇرپاق» قوعامدىق قورى جالپىۇلتتىق «ءبىز بىرگەمىز!» اكسياسىنىڭ اياسىندا قيىن جاعدايعا تاپ بولعان قازاقستاندارعا قول ۇشىن سوزۋدى جالعاستىرىپ كەلەدى. بۇعان دەيىن قور كوروناۆيرۋس ينفەكسياسىنا قارسى كۇرەس ءۇشىن 150 ميلليون تەڭگە بولگەن ەدى.
انىقتاما: «ساليقالى ۇرپاق» قوعامدىق قورى قىزمەتىن 2016 جىلدىڭ ساۋىرىندە باستادى.
قور بىرنەشە باعىتتا جۇمىس ىستەيدى: از قامتىلعان وتباسىلاردىڭ جەتىم بالالارىن اسىراپ، تاربيەلەۋ، از قامتىلعان وتباسىلارعا ازىق-تۇلىكپەن كومەكتەسۋ، ەم قابىلداۋدى مۇقتاج ەتەتىن جاندارعا قارجىلاي كومەك، ءبىلىم بەرۋ اقىسى، مەملەكەتتىك ءتىلدى، ۇلتتىق داستۇرلەردى دامىتۋ، مەشىت قۇرىلىسى، ءارتۇرلى دەڭگەيدەگى سپورت شارالارىن وتكىزۋ.
پىكىر قالدىرۋ