"سارسەنبى كۇنى قازاقستان كوروناۆيرۋستىڭ تارالۋى باياۋلاعانىن مالىمدەدى" دەپ جازدى كانادالىق Reuters اقپارات اگەنتتىگى. بۇل تۋرالى قامشى ءتىلشىسى Reuters-كە سىلتەمە جاساپ حابارلايدى.

–دەنساۋلىق ساقتاۋ مينيسترلىگىنىڭ مالىمەتىنشە، سوڭعى ەكى اپتا ىشىندە راستالعان جاڭا جاعدايلاردىڭ كۇندەلىكتى ءوسۋى شامامەن 7% دەڭگەيىندە بولدى. الايدا، سوڭعى ءۇش كۇندە ول 4% -دان تومەن بولعان،–دەپ جازدى Reuters. 

كانادالىق اقپارات اگەنتتىگى "قازاقستان ناۋرىز ايىنىڭ ورتاسىندا توتەنشە جاعداي جاريالاپ، كوروناۆيرۋستىڭ تارالۋىن توقتاتۋ ءۇشىن شەكتەۋ شارالارىن باستاعان. ناتيجەسىندە بۇگىنگە دەيىن 4298 ادام كوروناۆيرۋس جۇقتىرعانى بەلگىلى، ولاردىڭ 29-ى كوز جۇمدى" دەپ مالىمدەدى.

–پرەزيدەنت قاسىم-جومارت توقايەۆ وتكەن ايدا كوروناۆيرۋستىڭ جاڭا جاعدايلارى بايقالماسا، توتەنشە جاعدايدى 11 مامىرعا دەيىن بولاتىنىن جاريالاعان. پاندەميا قازاقستانداعى تەڭىز كەن ورنىن كەڭەيتۋ سياقتى كەيبىر ءىرى جوبالاردى باياۋلاتۋمەن بىرگە، مۇناي باعاسىن تومەندەتتى. ونىڭ سالدارى قازاقستان بيلىگىن 14 ميلليارد دوللارلىق ىنتالاندىرۋ پاكەتىن ەنگىزۋگە يتەرمەلەدى" دەپ جازدى كانادالىق اقپارات اگەنتتىگى.