ق ر پرەمەر-مينيسترىنىڭ ورىنباسارى رومان سكليار ماقتاارال اۋدانىندا بولدى. رومان سكليار سۋ العان اۋىل تۇرعىندارىمەن كەزدەسىپ، ولارعا مەملەكەت باسشىسى قاسىم-جومارت توقايەۆتىڭ سالەمىن جەتكىزدى.

"قازاقستان پرەزيدەنتى ماقتاارال اۋدانىنىڭ سۋدان زارداپ شەككەن بىردە - ءبىر تۇرعىنى كومەكسىز قالمايدى، دەدى. سول سەبەپتى، سىزدەرگە تەك تۇسىنىكتىك تانىتۋدى سۇرايمىن. ۇكىمەت تاراپىنان بارلىق قاجەتتى كومەك كورسەتىلەدى. پرەزيدەنت ۇكىمەتكە وزبەكستانداعى سۋ قويماسى بوگەتىنىڭ بۇزىلۋى سالدارىنان سۋ باسقان اۋىلداردىڭ تۇرعىندارىنا جان-جاقتى ماتەريالدىق كومەك كورسەتۋدى تاپسىردى"،- دەدى پرەمەر-مينيستردىڭ ورىنباسارى رومان سكليار.

ورىن العان جايتقا بايلانىستى ارنايى ۇكىمەتتىك كوميسسيا قۇرىلعانى بەلگىلى. ونى پرەمەر-مينيستردىڭ ورىنباسارى رومان سكليار باسقارادى. تۇركىستان وبلىسىنىڭ اكىمى ءومىرزاق شوكەيەۆ پەن قۇرامىندا ورتالىق جانە جەرگىلىكتى اتقارۋشى ورگانداردىڭ باسشىلارى بار جۇمىس توبى جاڭا تۇرمىس، جەڭىس، فيردوۋيسي، ورگەباس، دوستىق اۋىلدارىنىڭ تۇرعىندارىمەن كەزدەستى.

كوميسسيا كەلگەن شىعىندى شۇعىل تۇردە ەسەپتەۋ بويىنشا جۇمىستاردى جۇرگىزەدى. ەڭ الدىمەن تۇرعىن ۇيلەر قالپىنا كەلتىرىلەدى. سونىمەن قاتار، ينجەنەرلىك، كولىك، الەۋمەتتىك ينفراقۇرىلىم قولعا الىنادى.

كوميسسيا ارنايى تەحنيكا اكەلگەن وزبەكستان مەملەكەتىنىڭ وكىلدەرىمەن دە كەزدەستى. سۋ استىندا قالعان اۋىلداردى تازالاۋعا كورشى ەلدەن كومەككە كەلگەن 50-گە جۋىق تەحنيكا جۇمىلدىرىلدى.

تۇركىستان وبلىسى اكىمىنىڭ باسپا ءسوز قىزمەتى