ەڭبەك جانە حالىقتى الەۋمەتتىك قورعاۋ مينيسترلىگىنىڭ رەسمي سايتىندا 42500 تەڭگە كولەمىندەگى الەۋمەتتىك تولەم ەكىنشى مارتە قالاي بەرىلەتىنى تۋرالى اقپاراتتىق حابارلاما جاريالاندى.
مينيسترلىك مالىمەتىنە ساي، العاشقى اي ءۇشىن 42500 تەڭگە الۋعا 16 ساۋىرگە دەيىن ءوتىنىم بىلدىرگەندەرگە تولەم ەكىنشى اي ءۇشىن اۆتوماتتى تۇردە تۇسەدى.
توتەنشە جاعداي رەجيمى 16 ناۋرىزدا ەنگىزىلگەن. تولەمدى ەسەپتەۋدە ءبىرىنشى اي ءۇشىن 16 ناۋرىز بەن 15 ءساۋىر ارالىعى الىندى. توتەنشە جاعدايدىڭ ەكىنشى ايى 16 ساۋىردەن 11 مامىرعا دەيىن سوزىلعان. سوندىقتان تولەم ەكىنشى اي ءۇشىن دە تولەنەدى.
ول ءۇشىن ەشقايدا قۇجات تاپسىرۋدىڭ قاجەتى جوق. تولەم العاشقى اي ءۇشىن العاندارعا اۆتوماتتى تۇردە تۇسەدى.
كەشە، 6 مامىردا كوپتەگەن قازاقستاندىققا 42500 تەڭگە ەكىنشى اي ءۇشىن تۇسكەن.
الەۋمەتتىك تولەمدى ءالى الماعان ازاماتتار 42500.enbek.kz سايتى ارقىلى ءوتىنىم بىلدىرە الادى.
پىكىر قالدىرۋ