گەرمانيانىڭ بارلاۋ قىزمەتى سولتۇستىك كورەيانىڭ زىمىراندارى ەۋروپاعا بىرنەشە مينۋتتا جەتۋى مۇمكىندىگىن جاريالادى. بۇل تۋرالى قامشى ءتىلشىسى بريتانيالىق Daily Express باسىلىمىنا سىلتەمە جاساپ حابارلايدى.
نەمىس شەنەۋنىكتەرى كيم چەن ىننىڭ زىمىران قولدانۋ ءقاۋپىنىڭ ءوسىپ كەلە جاتقانىن مالىمدەگەن.
گەرمانيا بارلاۋ قىزمەتى ديرەكتورىنىڭ ورىنباسارى ولە ديل جەكە كەزدەسۋ بارىسىندا سولتۇستىك كورەيا ليدەرى كيم چەن ىن سوعىس قيمىلىن جاساۋى ىقتيمال ەكەنىن ەسكەرتتى. 2017 جىلعى زىمىران سىناعىنان كەيىن سولتۇستىك كورەيا رەجيمى قۇرلىقارالىق بالليستيكالىق زىمىراندار جاساعان.
نەمىس بارلاۋ قىزمەتىنىڭ اقپاراتىنشا، زىمىران امەريكانىڭ "بۇكىل ماتەريگىنە" سوققى بەرە الادى جانە پحەنياندا "وتە ءىرى يادرولىق وقتۇمسىقتار" بار.
ال فيزيك ديەۆيد رايت مۇددەلى عالىمدار وداعىنا: "زىمىران 8،100 ميل قاشىقتىققا دەيىن جەتۋى مۇمكىن، بۇل ۆاشينگتونعا سوققى جاساۋ ءۇشىن جەتكىلىكتى جانە امەريكا قۇراما شتاتتارىنىڭ كەز كەلگەن نۇكتەىنە ۇشىپ بارا الادى" دەپ جازعان.
پىكىر قالدىرۋ