ق ر پرەزيدەنتى قاسىم-جومارت توقايەۆتىڭ بۇيرىعىمەن سۋ تاسقىنىنان زارداپ شەككەن حالىققا جان-جاقتى كومەك كورسەتىلۋدە.

سوڭعى كۇندەرى ماقتاارال جانە جەتىساي اۋداندارىنىڭ ەلدى-مەكەندەرى اپات سالدارىنان ناعىز سوعىس مايدانىنا اينالدى.

 

الماتى قالاسىنىڭ اكىمى، «Nur Otan» پارتياسىنىڭ قالالىق فيليالىنىڭ ءتوراعاسى باقىتجان ساعىنتايەۆتىڭ بۇيرىعىمەن سوڭعى كۇندەرى ءبىراز گۋمانيتارلىق كومەك جينالدى. بۇل  باستاماعا پارتيانىڭ دەپۋتاتتىق فراكسيا مۇشەلەرى – دەپۋتاتتار، قاتارداعى پارتيا مۇشەلەرى قارجىلاي قولداۋ ءبىلدىرىپ، كومەكتەسىپ جاتىر.

ەلباسىمىزدىڭ باستاماسىمەن باستالعان BizBirgemiz اكسياسى اياسىندا الماتى قالاسى اكىمدىگى مەن پارتيانىڭ الماتى قالالىق فيليالى تاراپىنان تۇركىستان وبلىسىندا زارداپ شەككەن ازاماتتارعا 70 توننادان استام گۋمانيتارلىق كومەك، سونىڭ ىشىندە كيىم-كەشەك، توسەك ورىندار،  ازىق-تۇلىك، گيگيەنالىق قۇرالدار، ۇن جانە ت. ب. زاتتار جونەلتىلدى.

سونىمەن قاتار "Jas Otan" ەرىكتىلەرى ەۆاكۋاسيالاۋ پۋنكتتەرى مەن ازىق-تۇلىك، كيىم-كەشەك، توسەك ورىندارى، گيگيەنالىق قۇرالدارىن تاراتۋ جۇمىستارىنا قاتىسادى.

از ۋاقىتتىڭ ىشىندە كوپتەگەن الماتىلىقتار، سونىڭ ىشىندە "Nur Otan" پارتياسىنىڭ مۇشەلەرى جانە بەي-جاي قارامايتىن تۇرعىندار شاقىرۋعا ءۇن قاتتى.

قايىرىمدىق قىزمەت اشىقتىق، ايقىندىق پەن ەسەپ بەرۋدى تالاپ ەتەدى. وسى تالاپتاردى باسشىلىققا الا وتىرىپ كومەك كورسەتكەن ازاماتتار مەن مەكەمەلەردىڭ ءتىزىمى دايىندالدى.

 

اتاپ ايتساق «جاڭا الاتاۋ» قورى، «Metall Prom»، «كازلەگپروم-الماتى» جاۋاپكەرشىلىگى شەكتەۋلى سەرىكتەستىكتەرى، «ەير استانا» اكسيونەرلىك قوعامى، كاسىپكەرلەر، پارتيا مۇشەسى مۇحتار زۋلەيەۆ، قالالىق ءماسليحات دەپۋتاتى ەربولات قاسىموۆ جانە ت. ب بار.