انگليا عالىمدارى كوروناۆيرۋس وتكەن جىلى قازاننان باستاپ تارالۋى مۇمكىندىگىن ايتتى. بۇل تۋرالى قامشى ءتىلشىسى انگليالىق The Express باسىلىمىنا سىلتەمە جاساپ حابارلايدى.
عالىمداردىڭ پىكىرىنشە، كوروناۆيرۋستىڭ تارالۋى قازان ايىنان باستالعان بولۋى مۇمكىن جانە سول ايدا ۋحاندا وتكەن دۇنيەجۇزىلىك اسكەري ويىندارعا قاتىسۋشىلار ۆيرۋستىڭ الەمگە تارالۋىنا سەبەپشى بولعان بولۋى ىقتيمال.
University College London جانە Reunion Island ۋنيۆەرسيتەتىنىڭ زەرتتەۋشىلەرى بىرلەسكەن زەرتتەۋ جۇرگىزگەن. زەرتتەۋدە قاڭتار ايىنان باستاپ الەم بويىنشا جينالعان 7000-نان استام گەنومدار تىزبەگى ساراپتالدى. وسى ۇلگىلەردەن الىنعان ۆيرۋستىڭ مۋتاسياسىن زەرتتەۋ ناتيجەسىندە عالىمدار كوروناۆيرۋس ادامدارعا 6 قازان مەن 11 جەلتوقسان ارالىعىندا جۇقتى دەپ سانايدى. زەرتتەۋ ناتيجەلەرى الداعى ۋاقىتتا عىلىمي باسىلىمدا جاريالانادى.
پىكىر قالدىرۋ